ថ្ងៃពុធ ទី២៣ ខែវិច្ឆិកា ឆ្នាំ២០១១ ម៉ោង ១៧:៣៥
អ្នកវិទ្យាសាស្ត្របាននិយាយថា កាត់បន្ថយការទទួលទានសាច់ក្រហម កាហ្វេនិងគ្រឿងស្រវឹងអាចជួយបង្កើនសមត្ថភាពផ្តល់កំណើតរបស់បុរស ។ ការសិក្សាមួយបានរកឃើញថា របបអាហារមិនល្អ និងភាពធាត់ដុះពោះលើសទម្ងន់អាចធ្វើឲ្យថយចុះភាពខាប់របស់ ទឹកកាម ហើយប៉ះពាល់ដល់សមត្ថភាពរបស់វាក្នុងការហែលទៅរកពង។
កាលពីអតីតកាល បញ្ហាអសមត្ថភាពក្នុងការផ្តល់កំណើតរបស់ស្ត្រីជាប់ទាក់ទងទៅនឹង ការធាត់លើសទម្ងន់ ក៏ដូចជាការជក់បារី ឬក៏ផឹកស្រា ប៉ុន្តែកាលពីពេលនោះគេមិនទាន់ច្បាស់ថាបុរសដូចគ្នានឹងស្ត្រីនោះ ទេ។ តាមលទ្ធផលនៃការសិក្សាថ្មីបំផុតលើបុរសបង្ហាញថា អ្នកដែលផឹកស្រាជាប្រចាំ និងទទួលទានរបបអាហារមិនត្រឹមត្រូវ សមត្ថភាពផ្តល់កំណើតរបស់គេថយចុះ។
អ្នកដឹកនាំការស្រាវជ្រាវ Edson Borgesមកពីមជ្ឈមណ្ឌលFertility-Assisted Fertilization Center នៅទីក្រុង Sao Paoloប្រទេសប្រេស៊ីលបាននិយាយថា៖«ភាពខាប់របស់ទឹកកាមរងឥទ្ធិពល អវិជ្ជមានដោយទំហំរាងកាយ និងការប្រើប្រាស់គ្រឿងស្រវឹង ប៉ុន្តែរងឥទ្ធិលពលវិជ្ជមានដោយការទទួលទានអាហារដែលសំបូរដោយ គ្រាប់ធញ្ញជាតិនិងផ្លែឈើ»។
ការសិក្សាលើកនេះ ក្រុមអ្នកវិទ្យាសាស្ត្រប្រទេសប្រេស៊ីលបានពិសោធលើបុរសតែ២៥០នាក់ប៉ុណ្ណោះ។ លោកស្រី Lynn Westphalជំនាញការខាងសុខភាពនិងសមត្ថភាពផ្តល់កំណើតរបស់ស្ត្រីនៅ សាកលវិទ្យាល័យ Stanford University សង្ឃឹមថា លទ្ធផលដែលបានរកឃើញនិងបោះពុម្ភផ្សាយនៅលើព្រឹត្តិប័ត្រFertility and Sterilityលើកនេះ នឹងជួយលើកទឹកចិត្តឲ្យបុរសទាំងឡាយចាប់យកជម្រើសបែបបទនៃការរស់ នៅមួយដែលផ្តល់នូវសុខភាពដល់ខ្លួន ៕
0 comments:
Post a Comment