7:28 AM
specialshowtoday
ដោយ លី ម៉េងហួរ
អត្ថបទចុះផ្សាយនៅថ្ងៃ ពុធ 04 កក្កដា 2012
Source - RFI: http://www.khmer.rfi.fr/cambodian-workers-block-N4-road-in-protest
កម្មកររោងចក្រកាត់ដេរ ប្រមាណ ៤.០០០ នាក់ បានធ្វើបាតុកម្ម តវ៉ា ឈរបិទផ្លូវជាតិលេខ ៤ អស់ពេលជាង ៥ម៉ោង ចាប់ពីម៉ោងជាង ៨ព្រឹកថ្ងៃពុធ ទី៤កក្កដានេះ ។ ការតវ៉ាបិទកំណាត់ផ្លូវពីភ្នំពេញ ទៅខេត្តព្រះសីហនុ នៅម្តុំផ្សារបែកចាន ក្នុងស្រុកអង្គស្នួល កាលពីព្រឹកមិញ ដើម្បីទាមទារឲ្យរោងចក្រកាត់ដេរ យីហោ តៃយៀន ផ្តល់ដំណោះស្រាយលើការតវ៉ារបស់កម្មករ ៥ ចំណុច រួមមាន ការដំឡើងប្រាក់ធ្វើដំណើរ ប្រាក់ស្នាក់នៅ និងប្រាក់រង្វាន់ធ្វើការទៀងទាត់ រហូតដល់ ១៥ ដុល្លារ ជាដើម។ រហូតដល់ម៉ោង ១ និង ៣០ នាទី រសៀលទើបកម្មករ ដែលដឹកនាំដោយលោក រ៉ុង ឈុន បានរំសាយចេញពីផ្លូវ ដោយមានការសន្យាថា នឹងចរចាស្វែងរកដំណោះស្រាយពីមន្ត្រីក្រសួងការងារ។
បន្ទាប់ពី មានការសន្យាពីមន្ត្រីក្រសួងការងារ នៅវេលាម៉ោង ១ និង ៣០ នាទី ថ្ងៃពុធ ទី៤ ខែកក្កដា ឆ្នាំ២០១២ ការតវ៉ាបិទផ្លូវលេខជាតិ៤ ត្រូវបានរំសាយ។ កម្មកររោងចក្រកាត់ដេរ តៃយៀន ប្រមាណ ៤.០០០ នាក់ នៅម្ដុំបែកចាន ត្រូវបានរំសាយ បន្ទាប់ពីឈរតវ៉ា បិទផ្លូវ អស់រយៈពេលជាង ៥ ម៉ោង ចាប់តាំងពីម៉ោងជាង ៨ ព្រឹក។
បាតុកម្មរបស់កម្មកររោងចក្រកាត់ដេរនោះ ដឹកនាំដោយលោករ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យ និងជាប្រធានសហព័ន្ធសហជីពកម្ពុជា និងមានការចូលរួមពីសមាជិកសភារបស់គណបក្សសមរង្ស៊ី។
កម្មករ រោងចក្រកាត់ដេរ តៃយៀនទី១ តៃយៀនទី២ និងខេមវែល សុំទាមទារសុំឱ្យមានការដោះស្រាយនូវលក្ខខណ្ឌការងារ ៥ ចំណុច រួមមាន៖ ១-សុំឱ្យក្រុមហ៊ុនធ្វើការទូទាត់នូវអត្ថប្រយោជន៍ផ្សេងៗ តាមច្បាប់ ស្ដីពីការងារ ដោយក្រុមហ៊ុនបានប្ដូរឈ្មោះរោងចក្រ។ ២-សុំឱ្យក្រុមហ៊ុនផ្ដល់សោហ៊ុយធ្វើដំណើរ និងថ្លៃស្នាក់នៅឱ្យបាន ១៥ ដុល្លារ ក្នុងមួយខែៗ។ ៣-សុំឱ្យក្រុមហ៊ុនដំឡើងប្រាក់ថ្លៃទឹកដោះគោឱ្យបាន ១៥ ដុល្លារ ក្នុងមួយខែៗ។ ៤-សុំឱ្យក្រុមហ៊ុនឡើងប្រាក់រង្វាន់ទៀងទាត់ ឱ្យបាន ១៥ ដុល្លារ ក្នុងមួយខែៗ និងទី៥-សុំឱ្យក្រុមហ៊ុនកុំយកប្រាក់មុខតំណែង និងបច្ចេកទេសយកមកកាត់ទូទាត់ នៅពេលកម្មករ-កម្មការិនី និងថ្នាក់ដឹកនាំសុំច្បាប់ចាប់ពីបីថ្ងៃឡើងទៅ។
យ៉ាងណាក៏ដោយ នៅម៉ោងជាង ១ រសៀល លោក សាទ សាមុធ អនុរដ្ឋលេខាធិការក្រសួងការងារ និងបណ្ដុះបណ្ដាលវិជ្ជាជីវៈ បានមកសម្រុះសម្រួលជាមួយលោក រ៉ុង ឈុន ប្រធានសហព័ន្ធសហជីពកម្ពុជា និងក្រុមកម្មករ ដោយសន្យាថា នឹងរកដំណោះស្រាយជូនកម្មករ។ បន្ទាប់ពីមានការសន្យាយ៉ាងដូច្នេះ ក្រុមកម្មករក៏បានយល់ព្រមរំសាយពីការតវ៉ាបិទផ្លូវ។
លោក រ៉ុង ឈុន ក៏បានឲ្យដឹងថា នៅរសៀលនេះ មិនមានការជួបចរចា រកដំណោះស្រាយអ្វីទេ។ លោកបានព្រមានថា នៅថ្ងៃ៥កក្កដាស្អែកនេះ លោកនឹងដឹកនាំកម្មករ ធ្វើបាតុកម្ម ដើរហែក្បួន ចូលទីក្រុងភ្នំពេញ រហូតដល់មានដំណោះស្រាយ៕
កម្មករ រោងចក្រកាត់ដេរ តៃយៀនទី១ តៃយៀនទី២ និងខេមវែល សុំទាមទារសុំឱ្យមានការដោះស្រាយនូវលក្ខខណ្ឌការងារ ៥ ចំណុច រួមមាន៖ ១-សុំឱ្យក្រុមហ៊ុនធ្វើការទូទាត់នូវអត្ថប្រយោជន៍ផ្សេងៗ តាមច្បាប់ ស្ដីពីការងារ ដោយក្រុមហ៊ុនបានប្ដូរឈ្មោះរោងចក្រ។ ២-សុំឱ្យក្រុមហ៊ុនផ្ដល់សោហ៊ុយធ្វើដំណើរ និងថ្លៃស្នាក់នៅឱ្យបាន ១៥ ដុល្លារ ក្នុងមួយខែៗ។ ៣-សុំឱ្យក្រុមហ៊ុនដំឡើងប្រាក់ថ្លៃទឹកដោះគោឱ្យបាន ១៥ ដុល្លារ ក្នុងមួយខែៗ។ ៤-សុំឱ្យក្រុមហ៊ុនឡើងប្រាក់រង្វាន់ទៀងទាត់ ឱ្យបាន ១៥ ដុល្លារ ក្នុងមួយខែៗ និងទី៥-សុំឱ្យក្រុមហ៊ុនកុំយកប្រាក់មុខតំណែង និងបច្ចេកទេសយកមកកាត់ទូទាត់ នៅពេលកម្មករ-កម្មការិនី និងថ្នាក់ដឹកនាំសុំច្បាប់ចាប់ពីបីថ្ងៃឡើងទៅ។
យ៉ាងណាក៏ដោយ នៅម៉ោងជាង ១ រសៀល លោក សាទ សាមុធ អនុរដ្ឋលេខាធិការក្រសួងការងារ និងបណ្ដុះបណ្ដាលវិជ្ជាជីវៈ បានមកសម្រុះសម្រួលជាមួយលោក រ៉ុង ឈុន ប្រធានសហព័ន្ធសហជីពកម្ពុជា និងក្រុមកម្មករ ដោយសន្យាថា នឹងរកដំណោះស្រាយជូនកម្មករ។ បន្ទាប់ពីមានការសន្យាយ៉ាងដូច្នេះ ក្រុមកម្មករក៏បានយល់ព្រមរំសាយពីការតវ៉ាបិទផ្លូវ។
លោក រ៉ុង ឈុន ក៏បានឲ្យដឹងថា នៅរសៀលនេះ មិនមានការជួបចរចា រកដំណោះស្រាយអ្វីទេ។ លោកបានព្រមានថា នៅថ្ងៃ៥កក្កដាស្អែកនេះ លោកនឹងដឹកនាំកម្មករ ធ្វើបាតុកម្ម ដើរហែក្បួន ចូលទីក្រុងភ្នំពេញ រហូតដល់មានដំណោះស្រាយ៕
Posted in: khmer news
0 comments:
Post a Comment