Freedom of news in the world ,wanted to show the problem in the societies

ជនជាតិខ្មែរកើតនៅលើដីខ្មែរ ត្រូវចេះខំថែជាតិឲ្យបានរុងរឿង កេរ្តិ៍ឈ្មោះជាតិ យើងបានថ្កុំថ្កើង លុះត្រាតែយើងចេះថែរក្សា។ ទោះបីខ្មែររស់នៅប្រទេសណា ចូរកុំភ្លេចថាខ្លួនកើតមកជាខ្មែរ កុំឲ្យបរទេស គេមកបង្វែរ ឲ្យខ្មែរនិងខ្មែរ បែកសាមគ្គីគ្នា ថ្វីបើគេហ៊ានចំណាយ ប្រាក់កាសចាយហូរហៀរយ៉ាងណា ចូរកុំភ្លេច កេរ្តិ៍ឈ្មោះខេមរា រុងរឿងថ្លៃថ្លា តាំងពីបុរាណ ព្រលឹងជាតិនៅគង់វង្សបានយូរ ទាល់តែយើង ស៊ូរួបរួមគ្នាគ្រប់ប្រាណ កសាងជាតិដោយក្តីក្លាហាន នោះជាតិយើងបានស្គាល់ក្តីរុងរឿង។

ខ្មែរស្រឡាញ់ខ្មែរចេះជួយខ្មែរនោះប្រទេសរបស់យើងអាចរីកចំរើនបាន

Friday, July 6, 2012

ជំនួបស្វែងរកដំណោះស្រាយសម្រាប់កម្មកររោងចក្រតៃយានត្រូវបានបរាជ័យ


ដោយ ខ្មែរ សុវណ្ណភូមិ


ការជួបចរចារបស់លោក រ៉ុង ឈុន និងតំណាងកម្មករជាមួយលោក វង សូត រដ្ឋមន្រ្តីក្រសួងការ ងារ និងបណ្តុះបណ្តាល វិជ្ជាជីវៈត្រូវបានបរាជ័យនៅថ្ងៃនេះ។ ក្នុងជំនួបនោះខាងក្រុមហ៊ុនក៏បានបញ្ជូន តំណាង របស់ខ្លួនមកចូលរួមផងដែរគឺ មិញ ហួ ដែលជាប្រធានរដ្ឋបាល។
សូមបញ្ជាក់ថាក្រសួងការងារបានសុំជួបចរចានៅថ្ងៃនេះដោយសារតែកម្មករបានបានធ្វើបាតុកម្មជាច្រើនថ្ងៃមកហើយៗកាលពីម្សិលមិញនេះបានឈានទៅដល់កាដង្ហែរក្បួនពីរោងចក្រ សំដៅមកទីក្រុងភ្នំពេញ តាមផ្លូវជាតិលេខ៤។ ការដង្ហែរក្បួនបាតុកម្មនេះត្រូវបានរារាំងដោយកងកំលាំងប្រដាប់អាវុធយ៉ាងច្រើន នាក់ នៅខាងកើតកន្លែងថ្លឹងឡានប្រហែលជា៣០០ម៉ែត្រ។ 
មូលហេតុនៃការធ្វើបាតុកម្មនេះគឺកម្មករបានទាមទារនូវ៥ចំនុចដូចខាងក្រោមដូចជា៖
១) អត្ថប្រយោជន៍ផ្សេងៗតាមច្បាប់ការងារ នៅពេលរោងចក្រប្តូរឈ្មោះ
២) ប្រាក់ធ្វើដំណើនិងប្រាក់ស្នាក់នៅ១៥ដុល្លាក្នុង១ខែ
៣) ប្រាក់រង្វាន់ទៀងទាត់ ១៥ ដុល្លាក្នុងខែ
៤) ប្រាក់ថ្លៃទឹកដោះគោសម្រាប់អ្នកមានកូន១៥ដុល្លាក្នុង១ខែ
៥) សូមកុំឲ្យមានការកាត់លុយមុខដំណែងបច្ចេកទេសពេលដែលកម្មករឈប់លើសពី៣ថ្ងៃ
ដោយសារតែគ្មានដំណោះស្រាយណាមួយត្រូវបានឯកភាពគ្នា លោករ៉ុង ឈុន និងកម្មករបានសម្រេចចិត្ត ថានឹងបន្ត ធ្វើបាតុកម្មនៅមុខរោងចក្របន្តទៀត ហើយនឹងអាចបន្តមកប្រមូលផ្តុំគ្នានៅក្រុងភ្នំពេញក្នុង ពេលណាមួយផងដែរបើ នៅតែគ្មានដំណោះស្រាយ។

0 comments:

Post a Comment

 
Design by Free WordPress Themes | Bloggerized by Lasantha - Premium Blogger Themes | Lady Gaga, Salman Khan