ឆាយ ច័ន្ទនីដា
The Phnom Penh Post
សម្រង់សម្តី សំខាន់ៗដែលមេដឹកនាំប្រទេសជាមិត្តលើកឡើងពីគុណ សម្បត្តិរបស់ព្រះមហាវីរក្សត្រ។
បាន គីមូន អគ្គលេខាធិការអង្គការសហប្រជាជាតិ៖
«កេរដំណែលរបស់អតីត
ព្រះមហាក្សត្រនឹងអនុញ្ញាតឲ្យព្រះរាជាណាចក្រកម្ពុជា
បន្តឈានមុខក្នុងដំណើរការផ្សះផ្សាជាតិ
រួមទាំងតាមរយៈការបន្តប្តេជ្ញាចិត្តចំពោះយុត្តិធម៌»៕
Victoria Nuland អ្នកនាំពាក្យនៃក្រសួងការបរទេសសហរដ្ឋអាមេរិក៖
«សហរដ្ឋអាមេរិក
សូមសម្តែងនូវសមានចិត្តចំពោះការសោយទិវង្គតរបស់ព្រះករុណា
ព្រះវររាជបិតា ព្រះបាទនរោត្តមសីហនុ នៃប្រទេសកម្ពុជា។
យើងសូមថ្វាយនូវការចូលរួមរំលែកព្រះបរមមរណទុក្ខចំពោះព្រះ
មហាក្សត្រ នរោត្តមសីហមុនី ព្រះមហាក្សត្រិយ៍ នរោត្តម មុនីនាថ
សីហនុ...ចំពោះការបាត់បង់នេះ»។
ផាម ប៊ិញមិញ រដ្ឋមន្ត្រីការបរទេសសាធារណរដ្ឋសង្គមនិយមវៀតណាម៖
«ប្រជាជនវៀតណាម ជានិច្ចកាល តែងចងចាំក្នុងដួងចិត្ត
និងវាយតម្លៃយ៉ាងខ្ពង់ខ្ពស់ចំពោះការគាំទ្រនិងការរួមចំណែករបស់
អតីតព្រះមហាក្សត្រ នរោត្តម សីហនុ
ពីអតីតកាលក្នុងបុព្វហេតុតស៊ូជាតិដើម្បីឯករាជ្យ និងឯកភាពទឹកដី
របស់ប្រជាជនវៀតណាមក៏ដូចជាបុព្វហេតុកសាង
និងការពារជាតិនាពេលបច្ចុប្បន្ន»។
លោក ហ៊ូ ជីនតាវ ប្រធានាធិបតីនៃប្រទេសចិន៖
«ការចូលព្រះទិវង្គតរបស់ព្រះករុណាព្រះវររាជបិតា
គឺជាការបាត់បង់ដ៏ធំធេងរបស់ប្រជាជនកម្ពុជា។ ព្រះករុណាមហាវីរក្សត្រ
គឺជាមហាមិត្តរបស់ប្រជាជនចិន។ ព្រះករុណា
តែងតែបានប្តេជ្ញាបង្កើនមិត្តភាពរវាងប្រជាជនចិន-កម្ពុជា
និងបានជំរុញមិត្តភាពនេះ
ឲ្យបានជិតស្និទ្ធថែមទៀតរវាងថ្នាក់ដឹកនាំចិនជាច្រើនជំនាន់កន្លង
មក»។
លោក ណូដា យ៉ូស៊ីហ៊ីកូ នាយករដ្ឋមន្ត្រីនៃប្រទេសជប៉ុន៖
«ព្រះអង្គបានសាងគ្រឹះនៃទំនាក់ទំនងមិត្តភាពរវាងប្រទេសយើងទាំងពីរ
សម្រាប់អនាគត ដោយបានធ្វើព្រះរាជបូនីយកិច្ច
ដូចជាការយាងមកបំពេញព្រះរាជដំណើរទស្សនកិច្ចជាផ្លូវរដ្ឋនៅជប៉ុន
ឆ្នាំ១៩៥៥
ហើយបានយល់ដឹងជ្រាលជ្រៅជាទីបំផុតអំពីវិភាគទានរបស់ប្រទេសជប៉ុន
ក្នុងដំណើរការស្វែងរកសន្តិភាពនៅប្រទេសកម្ពុជា»។
ព្រះបាទភូមិបុល អាឌុលយ៉ាដេត ព្រះមហាក្សត្រនៃព្រះរាជាណាចក្រថៃ៖
«ខ្ញុំព្រះករុណា សូមចូលរួមជាមួយព្រះករុណាថ្លៃវិសេស
ក៏ដូចជាសមាជិកព្រះរាជវង្សានុវង្ស
និងប្រជាជននៃព្រះរាជាណាចក្រកម្ពុជា នូវអារម្មណ៍ក្តុកក្តួល
និងសូមថ្វាយនូវសមានចិត្តនិងមរណទុក្ខយ៉ាងជ្រាលជ្រៅបំផុតចំពោះ
ការ បាត់បង់ដ៏ធំធេងរបស់ប្រទេសនិងប្រជាជន[កម្ពុជា]»។
លោកជំទាវ យីងឡាក់់ ស៊ីណាវ៉ាត់ នាយករដ្ឋមន្ត្រីថៃ ៖
«ភាពជាអ្នក ដឹកនាំដ៏វិសាមញ្ញ ភាពក្លៀវក្លា
និងព្រះរាជបញ្ញាញាណរបស់ព្រះអង្គ
គឺជាគំរូធ្វើឲ្យព្រះអង្គមានព្រះរាជតួនាទីដ៏សំខាន់បំផុតក្នុង
ការ ដឹកនាំប្រទេសកម្ពុជា...។ ការលះបង់របស់ព្រះអង្គ
ដើម្បីសុខសន្តិភាព ស្ថិរភាព និងរួបរួមក្នុងតំបន់
និងលើសពីនេះទៀតបានធ្វើឲ្យព្រះអង្គត្រូវបានទទួលស្គាល់
ជាមេដឹកនាំអន្តរជាតិ»។
បណ្ឌិត ស៊ូស៊ីឡូ បាំបាំង យូដូយ៉ូណូ ប្រធានាធិបតីនៃប្រទេសឥណ្ឌូនេស៊ី ៖
«យើង ចងចាំនូវការរួមចំណែកដ៏ធំធេងរបស់ព្រះអង្គជានិច្ចកាល
ចំពោះការជំរុញឲ្យមានសន្តិភាពតំបន់
វិបុលភាពនិងចំពោះការពង្រឹងសាមគ្គីភាព
ក្នុងចំណោមប្រជាជាតិកំពុងអភិវឌ្ឍន៍»។
លោក លី ស៊ានឡុង នាយករដ្ឋមន្ត្រីនៃប្រទេសសិង្ហបុរី ៖
«ព្រះករុណា ព្រះមហាវីរក្សត្រ ជារដ្ឋបុរសដែលមានក្តីមេត្តាករុណា
ដែលប្រឹងប្រែងមិនចេះនឿយហត់ ដើម្បីនាំមកនូវសន្តិភាព
និងវិបុលភាពជូនប្រជាជនកម្ពុជា។ យើងនឹងចងចាំដោយដឹងគុណថា
កម្ពុជាជាប្រទេសទីមួយដែលទទួលស្គាល់សាធារណរដ្ឋថ្មីរបស់យើង
ក្នុងពេលសិង្ហបុរីបានទទួលឯករាជ្យនៅឆ្នាំ១៩៦៥»។
លោក ហ្វ្រង់ស័រ ហូឡង់ ប្រធានាធិបតីនៃសាធារណរដ្ឋបារាំង៖
«ជាស្ថាបនិក នៃឯករាជ្យកម្ពុជា
ជាអ្នកការពារប្រទេសដោយមិនចេះនឿយហត់លើឆាកអន្តរជាតិ
សម្រាប់មនុស្សភាគច្រើន
ព្រះអង្គជានិមិត្តរូបនៃនយោបាយអាស៊ីមួយដែលលើកតម្កើងនូវសមភាពនិង
ការពារអធិបតេយ្យភាពនៃប្រជាជាតិនានា»។
លោក ឆូ យ៉ុងរីម នាយករដ្ឋមន្ត្រីនៃសាធារណរដ្ឋប្រជាមានិត ប្រជាធិបតេយ្យកូរ៉េ៖
«ព្រះករុណា ព្រះបាទសម្តេចព្រះ នរោត្តម សីហនុ ព្រះមហាវីរក្សត្រ
ជាអ្នកនយោបាយដ៏ឆ្នើម...និងជាមិត្តភក្តិដ៏ជិតស្និទ្ធរបស់ប្រជាជន
យើង ដែលបានរួមវិភាគទាន យ៉ាងធំធេង
ក្នុងការរីកចម្រើនទំនាក់ទំនងមិត្តភាព
និងសហប្រតិបត្តិការរវាងប្រជាជនប្រទេសទាំងពីរ កូរ៉េ កម្ពុជា»។
Md Zillur Rahman ប្រធានាធិបតីនៃសាធារណរដ្ឋប្រជាមានិតបង់ក្លាដែស ៖
«តាងនាមប្រជាជនបង់ក្លាដែស និងរូបខ្ញុំផ្ទាល់
ខ្ញុំសូមចូលរួមរំលែកទុក្ខយ៉ាងក្រៀមក្រំ
និងសមានចិត្តដ៏ជ្រាលជ្រៅបំផុត
ចំពោះរាជវង្សានុវង្សនិងប្រជាជនកម្ពុជា។
យើងសូមឧទ្ទិសបួងសួងដល់ដួងព្រះវិញ្ញាណក្ខន្ធរបស់ព្រះអង្គ
ទ្រង់ឆាប់បានយាងចាប់បដិសន្ធិ ក្នុងព្រះបរមសុគតិភព
កុំបីឃ្លៀងឃ្លាតឡើយ»។
Raul Castro Ruz ប្រធានក្រុមប្រឹក្សារដ្ឋ និងក្រុមប្រឹក្សារដ្ឋមន្ត្រីនៃប្រទេសគុយបា ៖
«ទូលបង្គំយើងខ្ញុំមានសេចក្តីសោកស្តាយយ៉ាងជ្រាលជ្រៅ
ដោយបានដឹងថា ព្រះករុណាព្រះបិតា នរោត្តម សីហនុ បានសោយទិវង្គត
ដែលព្រះអង្គជាមហាមិត្តរបស់ប្រជាជនគុយបា»។
ស៊ុលតង់ ហាជី ហាសាណាល់ ប៊ុលគីយ៉ា ព្រះមហាក្សត្រនៃប្រទេសប្រ៊ុយណេ ៖
«ព្រះវររាជ បិតាជាបុរសដ៏ឆ្នើម
ដែលបាននាំមកនូវការផ្លាស់ប្តូរជាច្រើន
និងបានជំរុញឲ្យមានស្ថិរភាពនិងការអភិវឌ្ឍព្រះរាជាណាចក្រកម្ពុជា»៕
0 comments:
Post a Comment