បន្ទាប់ពីធ្វើការជួសជុលកែលម្អអស់ជិត៣ឆ្នាំ កីឡដ្ឋាន
Mineirao stadium ក្នុងទីក្រុង Belo Horizonte
ប្រទេសប្រេស៊ីលដែលជាកីឡដ្ឋានមួយសម្រាប់ត្រៀមរៀបចំការប្រកួត
ពានរង្វាន់ពិភពលោក (World Cup) ឆ្នាំ២០១៤ ត្រូវបានបើកឱ្យប្រើប្រាស់ជាថ្មីកាលពីថ្ងៃសុក្រសប្ដាហ៍មុន។
កីឡដ្ឋាន Mineirao stadium ក្នុងទីក្រុង Belo Horizonte ប្រទេសប្រេស៊ីល
ក្នុង
ពិធីបើកឱ្យប្រើប្រាស់សាជាថ្មីនោះក៏មានវត្តមានលោកស្រី
ប្រធានាធិបតីប្រទេសប្រេស៊ីល Dilma Rousseff ផងដែរ។ នេះជាកីឡដ្ឋានត្រៀមរៀបចំ
ការប្រកួត World Cup 2014 ទី២ហើយដែលបានធ្វើរួចរាល់
បន្ទាប់ពីកីឡដ្ឋាន Arena Castelao ដែលមានទីតាំងក្នុងទីក្រុង
Fortaleza។
កីឡដ្ឋាន Mineirao stadium (មើលពីលើ)
កីឡដ្ឋាន
Mineirao ដែលបុកគ្រឹះសាងសង់ក្នុងឆ្នាំ១៩៥៩ និង
សម្ពោធឱ្យប្រើលើកដំបូងក្នុងឆ្នាំ១៩៦៥
ត្រូវបានបិទកាលពីថ្ងៃទី០៦ មិថុនា ឆ្នាំ២០១០
ដើម្បីធ្វើការជួសជុលកែលម្អឱ្យទំនើបទាន់សម័យ។
ការបិទកីឡដ្ឋានដែលអាចផ្ទុកទស្សនិកជនបាន៦២១៦០នាក់នេះ
ធ្វើឱ្យក្លិប Cruzeiro និង Atlético Mineiro
បង្ខំចិត្តប្រើប្រាស់កីឡដ្ឋាន Estadio Independencia
ចំណុះ២៥០០០នាក់ជំនួសវិញបណ្ដោះអាសន្នសម្រាប់ការប្រកួតក្នុងផ្ទះ
របស់ពួកគេ។
លោកស្រីប្រធានាធិបតីប្រទេសប្រេស៊ីល Dilma Rousseff ក្នុងពេលសម្ពោធឱ្យប្រើប្រាស់កាលពីថ្ងៃសុក្រ
តែ
ពេលនេះកីឡដ្ឋានត្រូវបានធ្វើរួចរាល់ហើយ
ហើយក្លិបធំជាងគេបំផុតប្រចាំរដ្ឋ Minas Geriais
ទាំងពីរនេះនឹងប្រកួតគ្នាដណ្ដើមពានរង្វាន់ Minas Geriais state
championship
នៅថ្ងៃទី០៣កុម្ភៈខាងមុខដើម្បីជាការសម្ពោធវាលស្មៅថ្មីដែល
ត្រូវបានធ្វើឱ្យទាបជាងមុនប្រហែល៣ទៅ៤ម៉ែត្រដើម្បីឱ្យអ្នក
ទស្សនាមើលបានច្បាស់ជាងមុន។
ទីលានដែលមានបណ្ដោយ១១៥ម៉ែត្រនិងទទឹង៧៥ម៉ែត្រខាងលើនឹង
ត្រូវទទួលការប្រកួត FIFA Confederations Cup 2013 និង FIFA World Cup
2014៕
កីឡដ្ឋាន Arena Castelao ដែលមានទីតាំងក្នុងទីក្រុង Fortaleza ត្រូវបានធ្វើរួចមុននេះបន្តិច
0 comments:
Post a Comment