1:14 AM
specialshowtoday
ឧបនាយករដ្ឋមន្ត្រីហោ ណាំហុង
លោកកុយ គួង បានមានប្រសាសន៍ប្រាប់ក្រុមអ្នករាយការណ៍ព័ត៌មានបន្តថា “ច្បាស់ជាក្រុមការងារយើងហ្នឹងឯង ដែលដឹកនាំដោយឧបនាយករដ្ឋមន្ត្រី ហោ ណាំហុង។ ខ្ញុំគ្រាន់តែដឹងថា មេធាវីខាងយើង គឺមេធាវីជាជនជាតិបរទេស។ ខ្ញុំមិនអាចចាំបានថាគាត់មាន ជនជាតិអីខ្លះ។ ខ្ញុំអត់ច្បាស់ទេ កន្លងមក មានមេធាវី ៣នាក់ មិនដឹង ឬក៏ ៦នាក់ មិនដឹង។ ខ្ញុំក៏អត់ច្បាស់ដែររឿងហ្នឹង”។
ក្រុមនិយមគណបក្សប្រឆាំង អាវលឿង ដែលដឹកនាំដោយលោកអាប់ភិស៊ីត បានព្រមាន ដល់រដ្ឋាភិបាលលោកស្រីយីងឡាក់ នាយករដ្ឋមន្ត្រីថៃ កុំឲ្យទទួលយកការសម្រេចរបស់តុលាការយុត្តិធម៌អន្តរជាតិ ទីក្រុងអាឡេ។
ក៏ប៉ ន្តែលោក កុយ គួង បានមានប្រសាសន៍បញ្ជាក់ថា នេះជាបញ្ហាផ្ទៃក្នុងរបស់ប្រទេសថៃ ដូច្នេះរដ្ឋាភិបាលថៃ នឹងយល់អំពីបញ្ហាហ្នឹងហើយ។
លោកបន្តថា កម្ពុជា ទោះជាយ៉ាងណាក៏ដោយ នៅរក្សាភាពចាស់ទុំផ្នែកនយោបាយ ទាំងរាជរដ្ឋាភិបាល និងទាំងប្រជាជនកម្ពុជា។
លោក កុយ គួង ពុំបានធ្វើការអត្ថាធិប្បាយ ចំពោះសំនួររបស់ក្រុមអ្នកាសែត ដែលសួរអំពីជំនួបរវាងលោកស្រី យីងឡាក់ នាយករដ្ឋមន្ត្រីប្រទេសថៃ ជាមួយនឹងសម្តេចអគ្គមហាសេនាបតីតេជោ ហ៊ុន សែន នៅថ្ងៃទី៤ ខែកុម្ភៈ ឆ្នាំ២០១៣ ដែលជាថ្ងៃថ្វាយព្រះភ្លើង ដល់ព្រះបរមរតនកោដ្ឋ សម្តេចឪនោះទេ។
អ្នកនាំពាក្យក្រសួងការបរទេសរូបនោះ បានអះអាងថា លោកនៅពុំទាន់បានទទួល ព័ត៌មាន និងរបៀបវារៈអំពីជំនួបរវាងប្រមុខរដ្ឋាភិបាលទាំងពីរនៅឡើយទេ។
សូមរម្លឹកថា តុលាការយុត្តិធម៌អន្តរជាតិ ទីក្រុងឡាអេ ICJ បានកំណត់ថា នឹងបើកសវនាការជំនុំជម្រះលើបណ្តឹងរបស់កម្ពុជា ដែលទាមទារឲ្យបកស្រាយសាលក្រម ឆ្នាំ១៩៦២ ស្តីពី សំណុំរឿងព្រះវិហារ ចាប់ពីថ្ងៃទី១៥ ដល់ថ្ងៃទី១៩ ខែមេសា ឆ្នាំ២០១៣។
សំណុំរឿងក្តីនោះ ត្រូវបានភាគីកម្ពុជា ដាក់ពាក្យបណ្តឹងទៅកាន់តុលាការឡាអេ ក្រោយពីកងទ័ពថៃ បានបើកការវាយប្រហារជាច្រើនលើក នៅព្រំដែនប្រាសាទព្រះវិហារ ព្រោះថៃ សំអាងថា ទឹកដីទំហំ ៤,៦ គីឡូម៉ែត្រក្រឡា នៅជាប់ប្រាសាទព្រះវិហារ ជាទឹកដីរបស់ខ្លួន៕
អត្ថបទដកស្រង់ពីរស្មីកម្ពុជា
Posted in: khmer news
0 comments:
Post a Comment