គណបក្ស សម រង្ស៊ី និងគណបក្ស សិទ្ធិមនុស្ស នឹង មិនដាក់ឈ្មោះ ក្នុងបញ្ជីបេក្ខភាព បោះឆ្នោតឆ្នាំ២០១៣ទេ

ស្លាកសញ្ញាគណបក្សសង្រ្គជាតិ

 

Friday, 08 February 2013 13:42 ដោយៈ ដើមអម្ពិល (DAP)-ID: 010

ភ្នំពេញ ៖ មន្រ្តីជាន់ខ្ពស់ ក្នុងគណបក្សប្រឆាំង សម រង្ស៊ី បានអះអាងនៅថ្ងៃទី៨ ខែកុម្ភៈ ឆ្នាំ២០១៣ថា ក្នុងការ បោះឆ្នោតជ្រើសតាំងតំណាងរាស្រត្តនីតិកាលទី៥ នាខែកក្កដា ឆ្នាំ២០១៣ខាងមុខនេះ គណបក្សសម រង្ស៊ី និងគណបក្សសិទ្ធិមនុស្ស​នឹងមិនដាក់ឈ្មោះក្នុង​បញ្ជីបេក្ខភាព បោះឆ្នោតឆ្នាំ២០១៣នោះដាច់ដោយឡែកៗទេ ហើយលោក សម រង្ស៊ី នៅតែជាប្រធានបក្សសង្គ្រោះជាតិរហូតទៅ។

លោកស្រី មូរ សុខហួរ សមាជិកសភាមកពីគណបក្សប្រឆាំង សម រង្ស៊ី បានមានប្រសាសន៍នៅក្នុងសន្និសីទ កាសែតមួយនៅថ្ងៃទី៨ ខែកុម្ភៈ ឆ្នាំ២០១៣ នាវិមានរដ្ឋសភាជាតិកម្ពុជា ថា

លោកសម រង្ស៊ីនៅពេលនេះ ក៏ដូចជាថ្ងៃអនាគតនៅតែជា​ប្រធានគណ បក្សសង្គ្រោះជាតិដដែល គ្មានអ្នកណានិយាយថា លោក សម រង្ស៊ី មិនអាច ធ្វើជាប្រធាន គណបក្សសង្គ្រោះជាតិបានទៀតនោះទេ ។

លោកស្រី បន្តថា «ខ្ញុំសូមបញ្ជាក់ជាថ្មីទៀត គណបក្ស សម រង្ស៊ី  និងនិងគណបក្សសិទ្ធិមនុស្សនឹងមិនដាក់ឈ្មោះ​ក្នុងបញ្ជីបេក្ខភាពបោះឆ្នោតឆ្នាំ២០១៣នោះទេ គឺមានតែបញ្ជីរួមគណបក្ស សង្គ្រោះជាតិតែមួយគត់»។

លោកស្រី មូរ សុខហួរ បានបញ្ជាក់ថា ក្នុងការបោះឆ្នោតជ្រើសតាំង​តំណាងរាស្រ្ត នីតិកាលទី៥ ក្នុងខែកក្កដា ឆ្នាំ២០១៣ ខាងមុខនេះលោក សម រង្ស៊ី នឹងវិលត្រឡប់ចូលមកក្នុងប្រទេសកម្ពុជាវិញ។

ហើយសំណួរយើងសួរទៅកាន់អ្នកកាន់អំណាច បច្ចុប្បន្នថាតើ ទៅប្រជែងក្នុងការបោះឆ្នោតដោយខ្លួនឯង ឬមួយក៏មានភាពក្លាហាន ក្នុងការរកគូរប្រជែងជាមួយ ដោយស្មើភាពគ្នា ហើយមានតែការបោះឆ្នោតដោយសេរី និងយុត្តិធម៌ទេ ដែលអាចដោះស្រាយអនាគតខ្មែរបាន។

លោកស្រីបន្ថែមថា “បើសិនជានាយករដ្ឋមន្រ្តីនៅតែដដែលតើចំណេញដល់ប្រទេសកម្ពុជាដែរឬទេ តើយើង សង្ឃឹមថា នាយករដ្ឋមន្រ្តីចាស់នៅអាណត្តិថ្មី នឹង ដោះស្រាយបញ្ហាដែលកើតមានឡើងទាំងអស់នោះទេ គឺអត់ដោះ ស្រាយ ទេ។ ដូច្នោះយើងមិនអនុញ្ញាតទុកឲ្យកូនចៅខ្មែរយើង នៅតែធ្វើ ជាទាសករក្រុមហ៊ុនអ្នកធំនៅប្រទេសកម្ពុជាទេហើយបញ្ហានេះមានតែការផ្លាស់ប្តូរមេដឹកនាំប៉ុណ្ណោះ”។

សូមបញ្ជាក់ថា កាលពីថ្ងៃទី២៥ ខែតុលា ឆ្នាំ២០០៩ តុលាការកំពូល បានសម្រេចផ្តន្ទាទោសកំបាំងមុខ លោក សម រង្ស៊ី ឲ្យជាប់ពន្ធនាគារ ១២ឆ្នាំ ក្នុងរឿងដកតម្រុយបង្គោលព្រំដែនកម្ពុជា-វៀតណាម នៅស្រុកចន្ទ្រា ខេត្តស្វាយរៀង៕

Posted in: khmer news