Freedom of news in the world ,wanted to show the problem in the societies

ជនជាតិខ្មែរកើតនៅលើដីខ្មែរ ត្រូវចេះខំថែជាតិឲ្យបានរុងរឿង កេរ្តិ៍ឈ្មោះជាតិ យើងបានថ្កុំថ្កើង លុះត្រាតែយើងចេះថែរក្សា។ ទោះបីខ្មែររស់នៅប្រទេសណា ចូរកុំភ្លេចថាខ្លួនកើតមកជាខ្មែរ កុំឲ្យបរទេស គេមកបង្វែរ ឲ្យខ្មែរនិងខ្មែរ បែកសាមគ្គីគ្នា ថ្វីបើគេហ៊ានចំណាយ ប្រាក់កាសចាយហូរហៀរយ៉ាងណា ចូរកុំភ្លេច កេរ្តិ៍ឈ្មោះខេមរា រុងរឿងថ្លៃថ្លា តាំងពីបុរាណ ព្រលឹងជាតិនៅគង់វង្សបានយូរ ទាល់តែយើង ស៊ូរួបរួមគ្នាគ្រប់ប្រាណ កសាងជាតិដោយក្តីក្លាហាន នោះជាតិយើងបានស្គាល់ក្តីរុងរឿង។

ខ្មែរស្រឡាញ់ខ្មែរចេះជួយខ្មែរនោះប្រទេសរបស់យើងអាចរីកចំរើនបាន

Thursday, February 14, 2013

កម្មករ​​នៅតំបន់​សេដ្ឋកិច្ច​ពិសេស តាយសេង និង​មេនហាធេន នៅបាវិត ផ្ទុះ​កូដកម្ម ដោយ​គ្មាន​ដំណោះស្រាយ


បាតុកម្ម​របស់​កម្មករ ទាមទារ​ដំឡើង​ប្រាក់​ឈ្នួល នៅថ្ងៃ​អាទិត្យ ៣០ ធ្នូ ២០១២ (រូបថត​ឯកសារ)
RFI/Channa Siv
អត្ថបទចុះ​ផ្សាយ​នៅ​ថ្ងៃ ពុធ 13 កុម្ភៈ 2013
ក្រុម ​កម្មករជិត ២ ម៉ឺននាក់ នៅ​រោងចក្រជាង ៣០ ផ្នែក​កាត់ដេរ រោងចក្រ​ផលិត​កង់ ធ្វើពូក និង​ផលិតគ្រឿងអគ្គិសនី នៅ​តំបន់​សេដ្ឋកិច្ច​ពិសេស តា​យសេង និង​តំបន់​សេដ្ឋកិច្ច​ពិសេស មេន​ហា​តធេន ក្នុងទីក្រុងបាវិត ខេត្តស្វាយរៀង បានផ្ទុះកូដកម្មព្រមៗគ្នា នៅថ្ងៃពុធនេះ។ ក្រុមកម្មករ នៅរោងចក្រជាប់ព្រំដែនវៀតណាម​ បានទាមទារដំឡើង​ប្រាក់ខែ រហូតដល់ ១៥០ ដុល្លារ និងទាមទារលក្ខខណ្ឌការងារ មួយចំនួនទៀត។ កិច្ចប្រជុំដោះស្រាយសំណើរបស់​កម្មករ​ទាំង​នោះ នឹងធ្វើឡើង នៅ​ព្រឹក​ថ្ងៃ​ព្រហស្បតិ៍ស្អែក។ កូដកម្ម​របស់​ក្រុម​កម្មករនៅតំបន់សេដ្ឋកិច្ចពិសេសតាយសេង និងមេនហាតធេន ក្នុងទីក្រុង​បាវិត ខេត្តស្វាយរៀង បាន​ផ្តើមចេញពី​រោងចក្រ Best Way ដែល ​ជា​រោងចក្រ​តម្លើង​កង់ ក្នុង​តំបន់​សេដ្ឋកិច្ចពិសេស មេន​ហាត​ធេន។ ​ក្រុមកម្មករ​ទាមទារ​តម្លើង​ប្រាក់ខែ​ពី ១២០ ទៅ ១៥០ ដុល្លារ ព្រមទាំង​លក្ខខណ្ឌ​ការងារ​មួយចំនួនទៀត។ នៅ​តំបន់​សេដ្ឋកិច្ច​ពិសេស​នោះ ក៏​មាន​កម្មករ​​រោងចក្រ ឡុង​ប្រាយ ដែល​ផលិត​អំពូល​ភ្លើង ក៏​បាន​តវ៉ា​ផងដែរ​។​
រហូតដល់ព្រឹកថ្ងៃពុធនេះ កូដកម្មបានផ្ទុះឡើងក្នុង រោង ចក្រជាង ៣០ ដែលមានកម្មករសរុប​ជិត ២ ម៉ឺននាក់ នៅតំបន់សេដ្ឋកិច្ចពិសេស នៅទីក្រុងបាវិត។
​ លោក ហាស់ ប៊ុនធី ​ប្រធាន​មន្ទីរ​ការងារ និងបណ្តុះបណ្តាលវិជ្ជាជីវៈ ខេត្តស្វាយរៀង ​បាន​ប្រាប់​វិទ្យុបារាំងថា នៅ​ព្រឹក​ថ្ងៃពុធ ទី​១៣​កុម្ភៈ ឆ្នាំ​២០១៣ ក្រុមកម្មករតវ៉ាទាំងនោះ បាន​អុក​ឡុក ដល់​រោងចក្រ​ផ្សេងទៀត នៅ​តំបន់​សេដ្ឋកិច្ច​ពិសេស​មេន​ហាត​ធេន និង​តំបន់​សេដ្ឋកិច្ច​ពិសេស តាយសេង ដោយ​រារាំង​មិន​ឲ្យ​កម្មករ ចូលធ្វើការ រហូត​ដល់​ថៅកែ​រោងចក្រ​ចិន និង​ជប៉ុន​​​​​​​ទាំងនោះ ហួសចិត្ត និង​អនុញ្ញាត​ឲ្យ​កម្មករ ឈប់សម្រាក ពេញ​មួយ​ថ្ងៃនេះ​។
តាមលោកប្រធានមន្ទីរ ក្រុម​កម្មករ តវ៉ា ​បាន​គប់​ដុំ​ថ្ម លើ​អគារ​រោងចក្រ​​។ តែ​អាជ្ញាធរ មិន​បាន​បង្ក្រាប ឬ​ចាប់ខ្លួន​កម្មករ​ទេ គ្រាន់តែ​ការពារ​សន្តិសុខ​រោងចក្រ​ប៉ុណ្ណោះ​។​
​ លោក ហាស់ ប៊ុន​ធី ក៏​បាន​បន្ថែមថា នៅ​ថ្ងៃស្អែក ( ថ្ងៃព្រហស្បតិ៍ ទី​១៤​កុម្ភៈ ) នឹង​មាន​ការជួប​ប្រជុំ​​ដោះស្រាយ ដោយ​មាន​មន្ត្រី​ក្រសួង​ការងារ ​សមាគម​រោងចក្រ​កាត់ដេរ តំណាង​អភិបាល​ខេត្ត ព្រមទាំង​អាជ្ញាធរ​ពាក់ព័ន្ធ​ជាច្រើន​ទៀត ដើម្បី​​ជួប​​ប្រជុំ​​ដោះស្រាយ​​​បញ្ហា​​​កូដកម្ម​​​តវ៉ា​​​របស់​​កម្ម​ករ​​ ​នៅ​​តំបន់​​សេដ្ឋកិច្ច​​ពិសេស តា​យ សេង និង​មេន​ហាត​ធេន នៅ​ទីក្រុង​បាវិត​។
កូដកម្មនៅបាវិតនោះ ត្រូវបាន​លោក​ប្រធាន​មន្ទីរ អះអាងថា ជា​បញ្ហា​ក្តៅគគុក រយៈពេល ៤ ទៅ ៥ ថ្ងៃ​ហើយ ដែល​មន្ត្រី​មន្ទីរ​ការងារ ក៏ដូចជា​អាជ្ញាធរដែនដី បាន​ព្យាយាម​សម្របសម្រួល តែ​​មិនត្រូវរ៉ូវគ្នា ដោយសារ​តែ​ក្រុម​កម្មករ ទាមទារ​ហួសហេតុ លើស​ច្បាប់​ការងារ ដូចជា ប្រាក់​ថែម​​ម៉ោង រួម​ទាំង​ការ​តម្លើង​ប្រាក់ខែ​។ រីឯ​ថៅកែ​រោងចក្រ ក៏មាន​ជំហរ​រឹងផ្អឹង​ផងដែរ​។​
ដោយឡែក កាលពី​ព្រឹក​ថ្ងៃទី​១៣ ខែ​កុម្ភៈ ឆ្នាំ​២០១៣ កម្មករ​​ជាង ៦០០ នាក់ នៅរោងចក្រ ឡុង​​ប្រាយ ដែល​ផលិត​អំពូល​​អគ្គិសនី នៅតំបន់សេដ្ឋកិច្ចពិសេសមេនហាតធេន ក៏បាន​លើកគ្នា​ ទៅ​កាន់​ទី​រួម​ខេត្ត​ស្វាយរៀង ដើម្បី​ស្នើសុំ​អភិបាលខេត្ត​ស្វាយរៀង ឲ្យជួយ​អន្តរាគមន៍ រក​​ដំណោះស្រាយ ចំពោះ​ការតវ៉ា​ យូរថ្ងៃ​មកហើយ​ ។​
​ លោក ប៉ាវ ស៊ីណា ប្រធាន​សម្ព័ន្ធ​សហជីព​ចលនា​កម្មករ បានឲ្យដឹងថា បន្ទាប់​ពី​តំណាង​សហជីព​​កម្មករ បាន​ចូលជួប​អភិបាលរង​ខេត្ត​ស្វាយរៀង និង​អាជ្ញាធរ​ពាក់ព័ន្ធ កាលពី​ព្រឹក​ថ្ងៃទី​១៣​កុម្ភៈ​នេះ ក៏​មាន​ការសម្រេច​ថា នឹង​រៀបចំ​កិច្ចប្រជុំ​ដោះស្រាយ​ដោយឡែក​មួយ នៅ​សាលាក្រុង​​បាវិត នា​ព្រឹក​ថ្ងៃទី​១៤​កុម្ភៈ ឆ្នាំ​២០១៣ ដោយ​មាន​ការចូលរួម​ពី​អាជ្ញាធរខេត្ត មន្ទីរ​ពាក់ព័ន្ធ តំណាង​សហជីព​កម្មករ និង​ភាគី​ថៅកែ​រោងចក្រ ជុំវិញ​ការទាមទារ​របស់​កម្ម​ក​រទាំង ៦ ចំណុច ដែល​រួម​មាន​ការស្នើសុំ​ឲ្យ​ក្រុមហ៊ុន ដក​ប្រធាន​រដ្ឋបាល​ឈ្មោះ ដេវីដ និងលក្ខខណ្ឌ​ការងារមួយចំនួនទៀត។
ងាកមកមើលកូដកម្មបិទផ្លូវ នៅរោងចក្រយ៉ុងវ៉ា១  និង យ៉ុងវ៉ា២នៅតាខ្មៅខេត្តកណ្តាលវិញគឺនៅថ្ងៃពុធនេះចូលដល់ថ្ងៃទី២ហើយ កម្មករបន្តបិទផ្លូវ ដោយគ្មានដំណោះស្រាយ៕

0 comments:

Post a Comment

 
Design by Free WordPress Themes | Bloggerized by Lasantha - Premium Blogger Themes | Lady Gaga, Salman Khan