ហឺ…! ធ្វើការងារជាមួយគ្នាស្រឡាញ់គ្នាបានអត់ហ្ន៎?
ខាង ក្រោមនេះ គឺជាការយល់ឃើញរបស់យុវជនចំនួន ៤ នាក់ ជុំវិញប្រធានមួយ ថាតើធ្វើការងារជាមួយគ្នាអាចស្រឡាញ់គ្នាបានទេ?អ្នកខ្លះថាមិន ទាស់ខុសអីទេ តែអ្នកខ្លះថា ពុំគួរបង្កើតស្នេហានៅកន្លែងការងារនោះទេ ព្រោះអាចនាំមកនូវលទ្ធផលមិនល្អ។សុធី បុគ្គលិកបំរើការងារនៅធនាគា អេស៊ីលីដា
“ខ្ញុំទើបរៀបការបាន ជាង២ខែ ហើយប្រពន្ធខ្ញុំជាអ្នកធ្វើការងារជាមួយគ្នា។ ខ្ញុំគិតថា ដូចជាមិនទាស់ខុសអីទេ សំខាន់ឲ្យតែយើងអាចស្វែងយល់ចិត្តគ្នាទៅវិញទៅមក នោះយើងនឹងអាចចាប់ដៃគ្នាកសាងសុភមង្គលមួយបាន។ ដើមឡើយខ្ញុំក៏មិនគិតថា អនាគតភរិយាខ្ញុំជាអ្នកធ្វើការងារជាមួយគ្នាដែរ”។
តារា អតីតនិស្សិតសកលវិទ្យាល័យភូមិន្ទភ្នំពេញ
“តាម ខ្ញុំយល់ ធ្វើការងារជាមួយគ្នាស្រឡាញ់គ្នាមិនសូវល្អទេ ព្រោះបើមានបញ្ហាក្នុងរង្វង់ការងារ តិច ឬច្រើន វានឹងអាចធ្វើឲ្យប៉ះពាល់ដល់អារម្មណ៍អ្នកទាំងពីរ។ យកល្អពុំគួរស្រឡាញ់គ្នានោះទេ ព្រោះនឹងមានលទ្ធផលមិនល្អចំពោះយើង ត្បិតអីបើមិនរងសំពាធពីក្នុងរង្វង់ការងារ ក៏អាចប៉ះពាក្យប៉ះសំដីជាមួយអ្នកធើ្វការងារជាមួយគ្នាជៀសមិនផុត ”។
សុទ្ធា បុគ្គលិកបំរើការងារនៅក្រុមហ៊ុនគ្រឿងសំអាងមួយ
“មនុស្ស ម្នាក់ៗមានចិត្តមិនដូចគ្នាទេ។ ចំពោះខ្ញុំយល់ថា ទោះបីយើងស្រឡាញ់អ្នកធ្វើការងារជាមួយគ្នា ឬផេ្សងគ្នាក៏ដោយ បញ្ហាដែលគង់តែកើតឡើង វានឹងកើត សំខាន់យើងចេះយល់ចិត្តគ្នា និងរួមគ្នាដោះស្រាយបញ្ហា…ចំណុចសំខាន់មួយទៀត ការងារគឺការងារ ត្រូវខិតខំធ្វើឲ្យបានល្អ មិនត្រូវឡូកឡំគ្នាទេ។ ខ្ញុំក៏មានមិត្តភ័ក្កិម្នាក់ស្រឡាញ់គ្នាដូចនេះដែរ តែគេនៅអាចធ្វើការងារជាមួយគ្នាបាន ហើយរហូតមកដល់ពេលនេះមានកូនមួយហើយ”។
លោក ឌីណាត បុគ្គលិកបម្រើការងារនៅក្រុមហ៊ុនស្រាបៀ Tiger
“ អ្វីៗគឺជានិស្ស័យ និងព្រហ្មលិខិតជាអ្នកកំណត់ ព្រោះស្នេហាមិនមែនកើតឡើងងាយៗនោះទេ។ ទោះបីយើងធ្វើការងារជាមួយគ្នា ឬជួបគ្នារាល់ថ្ងៃយ៉ាងណាក្តី តែបើគ្មាននិស្ស័យក៏មិនបានជួបដែរ”៕
តើមិត្តយុវវ័យយល់យ៉ាងណាដែរ?
0 comments:
Post a Comment