លោក ចាន់ សុវ៉េតមន្រ្តីស៊ើបអង្កេតជាន់ខ្ពស់ អង្គការអាដហុក បានថ្លែងថា៖«ក្រុមហ៊ុនសម័យនេះ ស្រួលណាស់ បានដីពីរដ្ឋាភិបាលហើយ ធ្វើតែសំណង់ធំមួយ ដោយមិនឃើញមានការអភិវឌ្ឍអ្វីជាដុំកំភួននោះទេ»។ លោកបានឲ្យដឹងទៀតថា អាជ្ញាធរ បានធ្វើការហាមឃាត់ មិនឲ្យពលរដ្ឋធ្វើការដាំដុះ នៅលើដីជម្លោះទាំងនោះទេ ប៉ុន្តែក្រុមហ៊ុនអាចធ្វើអ្វីបានតាមចិត្ត ដោយពុំមានការហាមឃាត់ឡើយ។
ពោធិ៍សាត់ៈ ប្រជា
ពលរដ្ឋចាស់ក្មេង ៤០ នាក់ តំណាងឲ្យ ៣៧០ គ្រួសារ នៅស្រុកវាលវែង
បាននាំគ្នាស្ពាយមុងភួយ មកដេកនៅអង្គការអាដហុក
នៅភ្នំពេញជាថ្មីទៀត ដើម្បីសុំឲ្យអង្គការនេះ ជួយអន្តរាគមន៍
ក្នុងរឿងជម្លោះដីធ្លី ដែលអូសបន្លាយជាង ៣ ឆ្នាំមកហើយ
ជាមួយក្រុមហ៊ុនលោកឧកញ៉ាទ្រីភាព។
ប្រជា
ពលរដ្ឋដែលភាគច្រើន ជាគ្រួសារយោធា នៅព្រំដែនកម្ពុជា-ថៃ
នៅភូមិសង្គមថ្មី និងភូមិឯកភាព ក្នុងឃុំថ្មដា មានបញ្ហាដីធ្លី
ជាមួយនឹងក្រុមហ៊ុន MDS របស់លោកឧកញ៉ាទ្រី ភាព ចាប់តាំងពីឆ្នាំ ២០១០
មក។ ក្នុងរយៈពេលជម្លោះនេះ យោធាព្រំដែនជាង ១០ នាក់
ត្រូវបានគេគំរាមប្តឹងទៅតុលាការយោធា
ក្រោមការចោទប្រកាន់ពីបទកាប់រាន និងកាន់កាប់ដីខុសច្បាប់។
អ្នក
ភូមិម្នាក់ឈ្មោះនួន យេន អាយុ ៥៧ ឆ្នាំ
ដែលជាភរិយាយោធាព្រំដែនម្នាក់
បានអះអាងថាអ្នកស្រីបានចូលទៅរស់នៅ និងដាំដុះដំណាំនៅលើដីទំហំ
៤ ហិកតា តាំងពីឆ្នាំ ២០០០ មក។ ប៉ុន្តែកាលពីឆ្នាំ ២០១០ ក្រុមហ៊ុន
MDS បានចូលទៅឈូសឆាយ និងបង្ខំឲ្យគ្រួសារអ្នកស្រី
និងអ្នកភូមិផ្សេងទៀតចេញពីតំបន់នោះ។
អ្នក
ស្រី បានបញ្ជាក់ថា៖«ប្តីខ្ញុំធ្វើយោធា មានរបបតិចតួច
មិនអាចចិញ្ចឹមគ្រួសារបានទេ
តែវាកាន់តែលំបាកថែមទៀតដែលមានគេមកដេញចេញពីដីធ្លីបែបនេះ»។
អ្នក
ភូមិទាំងនេះ
បានបង្ហាញឯកសារដីធ្លីប្រាប់អ្នកយកព័ត៌មានដោយទាមទារយកដីស
រុបចំនួន ១២៥ ហិកតា ដោយអះអាងថា
ត្រូវបានក្រុមហ៊ុនរបស់លោកឧកញ៉ាទ្រី ភាព រំលោភយក។
ស្រ្តី
ម្នាក់ទៀតឈ្មោះប្រាក់ ផល អាយុ ៥៨ ឆ្នាំ បានទិញដីទំហំ ៥ ហិកតា
ពីអ្នកស្រុកម្នាក់ ដោយមានការផ្ទេរកម្មសិទិ្ធត្រឹមត្រូវ
ដោយអាជ្ញាធរស្រុក។ ស្រ្តីរូបនេះបានអង្គុយបត់ជើងផ្ទាល់ដី
ហើយថ្លែងថា៖«យើងខ្ញុំបានបង្កបង្កើនផលនិងរស់នៅលើដីនេះតាំង
ពីឆ្នាំ ២០០៧ មក តែគ្រឿងចក្រក្រុមហ៊ុនបានឈូសឆាយផ្ទះខ្ញុំ
ហើយមានកម្លាំងប្រដាប់អាវុធ បានដេញពួកយើងចេញ»។
ក្រុម
អ្នកភូមិ បានឲ្យដឹងថា ក្រុមនិស្សិត និងអាជ្ញាធរ
មិនព្រមវាស់ដីឲ្យពួកគាត់ឡើយ។ គេវាស់ឲ្យតែដីណា
ដែលដាំកៅស៊ូបានខ្ពស់ៗប៉ុណ្ណោះ។
សមាគម
អាដហុក បានចុះទៅធ្វើការស៊ើបអង្កេត
នៅទីតាំងដីជម្លោះកាលពីសប្តាហ៍មុន គឺបន្ទាប់ពីអ្នកភូមិ
បានមកសុំឲ្យអង្គការនេះជួយអន្តរាគមន៍ កាលពីខែកុម្ភៈ។
យោងតាមរបាយការណ៍ស៊ើបអង្កេតរបស់អាដហុកបានឲ្យដឹងថា
ទំនាស់ដីធ្លីនេះ បានកើតឡើងបន្ទាប់ពីរដ្ឋាភិបាល
បានផ្តល់ដីសម្បទានសេដ្ឋកិច្ចទំហំ ៤៤០២ ហិកតា ឲ្យទៅក្រុមហ៊ុន MDS
ដើម្បីអភិវឌ្ឍតំបន់សេដ្ឋកិច្ចពិសេស ដាំដំណាំកសិឧស្សាហកម្ម
កាលពីខែវិច្ឆិកាឆ្នាំ ២០១០។
តាម
របាយការណ៍នេះ បញ្ជាក់ថា៖«រដ្ឋាភិបាលថ្នាក់ជាតិ និងមូលដ្ឋាន
មិនបានសិក្សាពីផលប៉ះពាល់ឲ្យបានស៊ីជម្រៅទេ។
ក្រុមហ៊ុនបានឈូសឆាយព្រៃឈើវាទទីហ៊ុមព័ទ្ធយកដីធ្វើផ្លូវនិង
កំណត់ ព្រំដី ដែលធ្វើឲ្យប៉ះពាល់ដីធ្លីពលរដ្ឋ ៣៧០ គ្រួសារ»។
លោក
ចាន់ សុវ៉េតមន្រ្តីស៊ើបអង្កេតជាន់ខ្ពស់ អង្គការអាដហុក
បានថ្លែងថា៖«ក្រុមហ៊ុនសម័យនេះ ស្រួលណាស់ បានដីពីរដ្ឋាភិបាលហើយ
ធ្វើតែសំណង់ធំមួយ
ដោយមិនឃើញមានការអភិវឌ្ឍអ្វីជាដុំកំភួននោះទេ»។
លោកបានឲ្យដឹងទៀតថា អាជ្ញាធរ បានធ្វើការហាមឃាត់
មិនឲ្យពលរដ្ឋធ្វើការដាំដុះ នៅលើដីជម្លោះទាំងនោះទេ
ប៉ុន្តែក្រុមហ៊ុនអាចធ្វើអ្វីបានតាមចិត្ត
ដោយពុំមានការហាមឃាត់ឡើយ។
តំណាង
ក្រុមហ៊ុន MDS មិនអាចទាក់ទងសុំការបំភ្លឺបានទេ កាលពីម្សិលមិញ។
ទោះយ៉ាងណាលោកហេង សូភាណា អ្នកនាំពាក្យសាលាខេត្តពោធិ៍សាត់
បានថ្លែងថា អាជ្ញាធរខេត្ត
បានចុះពិនិត្យកន្លែងកើតហេតុនោះរួចរាល់អស់ហើយ
ប៉ុន្តែមិនទាន់បានដោះស្រាយនោះទេ។
លោក
បន្តថា៖«ជាក់ស្តែងឃើញថា ការអះអាងរបស់ពលរដ្ឋ
វាមិនពិតទាំងស្រុងនោះទេ
ហើយដីខ្លះពួកគាត់មិនបានអាស្រ័យផលឡើយ»។ លោកបន្ថែមថា
ម្យ៉ាងវិញទៀតប្រជាពលរដ្ឋខ្លះបានរស់នៅលើតំបន់ស
ជាប់ព្រំដែនកម្ពុជា-ថៃ ហើយដីខ្លះក៏មានមីនដែរ។ អាជ្ញាធរខេត្ត
កំពុងប្រមូលទិន្នន័យឲ្យបានច្បាស់លាស់
បន្ទាប់មកនឹងធ្វើការដោះស្រាយ៕
0 comments:
Post a Comment