រាជធានីភ្នំពេញ ៖ តារាសម្តែង និងបង្ហាញម៉ូតសាច់សម៉ដ្ឋខៃ នាងលី ម៉ារីណា បានប្រកាសជំហរដ៏គួឲ្យភ្ញាក់ផ្អើល បន្ទាប់ពីនាងបានឈានជើងជាន់ដីស្រុកខ្មែរវិញ ហើយនាងបានសម្រេចចិត្តមិនចូលលុកលុយនៅក្នុងសង្វៀនសិល្បៈបន្តទៀតឡើយ ខណៈពេលដែលនាងគ្រោងនឹងបើកជំនួញមួយផ្ទាល់ខ្លួន ហើយនឹងចូលរោងការនៅក្នុងដំណាច់ឆ្នាំ២០១៣ ខាងមុខនេះ ជាមួយនឹងគូដណ្តឹងដែលជាអាណិកជនខ្មែររស់នៅអាមេរិក គឺលោកសាត ចាន់ ថន។
នេះជាការ ប្រកាសជំហរដ៏គួឲ្យភ្ញាក់ផ្អើលមួយសម្រាប់តារាសម្តែងរាងខ្ពស់ស្រឡះ រូបនេះ បន្ទាប់ពីនាងបានសំងំលាក់ខ្លួនមួយរយៈក្រោមរឿងអាស្រូវដែល មានទំនាក់ទំនងស្នេហាជាមួយមន្ត្រីថ្នាក់ធំម្នាក់ ហើយទំនាក់ទំនងលាក់កំបាំងនេះបានគំរាមកំហែងដល់អាយុជីវិតរបស់នាងថែម ទៀតផង។
ទោះបីជាយ៉ាងណាក្រោយព័ត៌មានអាស្រូវនេះហាក់មាន ការស្ងប់ស្ងាត់ទៅវិញនោះ លី ម៉ារីណា បានលេចមុខសារជាថ្មី ដោយបណ្តើរជាមួយគូដណ្តឹងរបស់នាងគឺលោកសាត ចាន់ថន ដែលជាអាណិកជនខ្មែររស់នៅសហរដ្ឋអាមេរិក។ ការបង្ហាញវត្តមាននៅក្នុងស្រុកខ្មែរជាថ្មីរបស់លីម៉ារីណា នាពេលនេះក្រោយពេលដែលមានដំណឹងលេចលឺថា នាងត្រូវបានទទួលការលើកលែងត្រាប្រណីពីនារីម្នាក់ដែលតាំងខ្លួនជា ជំទាវ និងធ្លាប់គម្រាមផ្តាច់ជីវិតរបស់នាងនោះ។
ការបង្ហាញ ខ្លួនប្រកបដោយការភ្ញាក់ផ្អើលរបស់លី ម៉ារីណា នាពេលនេះ មិនត្រឹមតែដើម្បីលាងសម្អាតឈ្មោះពីរឿងអាស្រូវនោះទេ ប៉ុន្តែនាងក៏មានគម្រោងបើកជំនួញធំមួយនៅក្នុងស្រុកខ្មែរផងដែរ ៕
0 comments:
Post a Comment