10:12 PM
specialshowtoday
“ស្ថានភាពនយោបាយបច្ចុប្បន្នកំពុងគំរាមកំហែងអាចឈានដល់អស្ថេរភាព
នយោបាយ និងឈានទៅដល់ការបាត់បង់ការបោះឆ្នោតដោយសេរី ត្រឹមត្រូវ និងយុត្តិធម៌“
កឹម សុខា។
(ថ្ងៃទី 12 មិថុនា 2013, ម៉ោង 10:38:AM) | ដោយ: មុនីរាជ CEN
ឡានប្រហែល១០គ្រឿងបានព័ទ្ធបិទផ្លូវមិនឲ្យឡានលោកសុខាចេញពីវេទិកា ក្នុងឃុំដីឥដ្ឋ ស្រុក គៀនស្វាយ ខេត្តកណ្ដាល ប៉ុន្តែអ្នកគាំទ្រ គណបក្សសង្រ្គោះជាតិប្រឹងប្រែងជួយបើផ្លូវឲ្យរថយន្តចេញ។
 |
| Source: Facebook.com/pages/Kem-Sokha/142178602466114?fref=ts |
ភ្នំពេញ: ប្រមុខ ដឹកនាំបក្សប្រឆាំងគណបក្សសង្គ្រោះជាតិ លោក កឹម សុខា បានប្រកាសអំពាវនាវផ្ទាល់មាត់ដល់រាជរដ្ឋាភិបាល ត្រូវចាត់វិធានការជាបន្ទាន់មួយ ដើម្បីទប់ស្កាត់រាល់សកម្មភាពចលនាបាតុកម្ម រំខានរូបលោក នៅពេលលោក ចុះទៅចូលរួមវេទិកា ជួបសកម្មជនគណបក្សសង្គ្រោះជាតិ នៅតាមមូលដ្ឋាន។
សេចក្តីអំពាវនាវផ្ទាល់មាត់ដូច្នេះ ត្រូវបានប្រកាសឡើង ក្នុងសន្និសីទកាសែត នៅទីស្នាក់ការគណបក្សសង្គ្រោះជាតិ នៅផ្លូវត្រឡោកបែក ខាងជើងស្ពានអាកាស ៧ មករា ក្នុងខណ្ឌទួលគោក រាជធានីភ្នំពេញ នាព្រឹកថ្ងៃទី១២ ខែមិថុនា ឆ្នាំ២០១៣។
ការតវ៉ារបស់ប្រជាពលរដ្ឋ ដែលទាមទារឲ្យលោកសុំទោស ចំពោះអ្វីដែលគេលើកឡើងថា លោកបាននិយាយថា ទួលស្លែង ជាគុកសិប្បនិម្មិត្ត បានកើតមានគ្រប់កន្លែង ពេលលោកចុះទៅមូលដ្ឋាន ត្រូវបានលោក កឹម សុខា ប្រធានស្តីទី គណបក្សសង្គ្រោះជាតិ ចាត់ទុកថា ជាចេតនារំខានលោក។ ដូច្នេះលោក កឹម សុខា បានអំពាវនាវដល់រាជរដ្ឋាភិបាល ត្រូវតែចាត់វិធានការ ទប់ស្កាត់សកម្មភាពអុកឡុករំខាននោះ ដោយលោកបញ្ជាក់ថា បើមិនដូច្នោះទេ វានឹងធ្វើឲ្យមានអស្ថិរភាពនយោបាយ អស្ថិរភាពសង្គម និងធ្វើឲ្យការបោះឆ្នោត នាខែកក្កដាខាងមុខ នឹងប្រព្រឹត្តទៅដោយមិនសេរី និងមិនយុត្តិធម៌ទេ។
Posted in: khmer news
0 comments:
Post a Comment