តាមដានសិក្សាលើស្រ្តី និងបុរស ៨២០នាក់ តាំងពីកុមារភាព រហូតដល់វ័យ ជំទង់ ពីឆ្នាំ១៩៨៣-២០០៣ រកឃើញថា ស្រ្តីដែលមានប្រវត្តិសុខភាពផ្លូវចិត្ត មានភាព សោកសៅ និងព្រួយបារម្ភ មានទំនោរឡើងទម្ងន់ខ្ពស់ជាងធម្មតា ។ ផ្ទុយទៅវិញ ភាព សោកសៅ និងព្រួយបារម្ភពុំមានឥទ្ធិពលប៉ះពាល់ដល់ការឡើងទម្ងន់របស់បុរសទេ ។
លោកស្រីសារ៉ាហ៍អ៊ី អ៊ែនដឺរសាន់ (Sarah E-Anderson) អ្នកដឹកនាំនិពន្ធអត្ថបទ ស្រាវជ្រាវពី Friedman School of Mutrition នៃសាកលវិទ្យាល័យ ធូហ្វស៍ (University of Tufts) នៅបូស្តុន និងសហការី បានថ្លែងថាការព្យាបាលបញ្ហាអារម្មណ៍ មិននឹងន អាចជួយបង្ការភាពធាត់លើស្រ្តីមួយចំនួន ។
ការព្រួយបារម្ភ ត្រូវបានអ្នកស្រាវជ្រាវកត់សម្គាល់ថា បានកាត់បន្ថយកម្រិតសេរ៉ូថូនីន (Serotonin) ខណៈដែលចំណីអាហារ ជាពិសេស ការបូហៃដ្រេត (Carbohydrate) អាចជំរុញសមាសធាតុសេរ៉ូថូនីនក្នុងឈាម មួយរយៈពេលជាបណ្តោះអាសន្នប៉ុណ្ណោះ ។
ទោះជាយ៉ាងណាក៏ដោយ ប្រសិនបើការរកឃើញថ្មីនេះ ជារឿងត្រឹមត្រូវដូចការអះអាង របស់អ្នកសិក្សាស្រាវជ្រាវនោះ ការព្យាបាលបញ្ហាព្រួយបារម្ភ និងសោកសៅ ជាផ្នែកមួយ ដ៏សំខាន់ ក្នុងការប្រយុទ្ធប្រឆាំងនឹងភាពធាត់ ៕
ទស្សនាវដ្ដី សម្រស់ស្រ្តី
ឆ្នាំទី០១ ច្បាប់ទី ០៥ ប្រចាំថ្ងៃទី ០៧ កញ្ញា ០៦ តុលា ឆ្នាំ ២០០៦
0 comments:
Post a Comment