Freedom of news in the world ,wanted to show the problem in the societies

ជនជាតិខ្មែរកើតនៅលើដីខ្មែរ ត្រូវចេះខំថែជាតិឲ្យបានរុងរឿង កេរ្តិ៍ឈ្មោះជាតិ យើងបានថ្កុំថ្កើង លុះត្រាតែយើងចេះថែរក្សា។ ទោះបីខ្មែររស់នៅប្រទេសណា ចូរកុំភ្លេចថាខ្លួនកើតមកជាខ្មែរ កុំឲ្យបរទេស គេមកបង្វែរ ឲ្យខ្មែរនិងខ្មែរ បែកសាមគ្គីគ្នា ថ្វីបើគេហ៊ានចំណាយ ប្រាក់កាសចាយហូរហៀរយ៉ាងណា ចូរកុំភ្លេច កេរ្តិ៍ឈ្មោះខេមរា រុងរឿងថ្លៃថ្លា តាំងពីបុរាណ ព្រលឹងជាតិនៅគង់វង្សបានយូរ ទាល់តែយើង ស៊ូរួបរួមគ្នាគ្រប់ប្រាណ កសាងជាតិដោយក្តីក្លាហាន នោះជាតិយើងបានស្គាល់ក្តីរុងរឿង។

ខ្មែរស្រឡាញ់ខ្មែរចេះជួយខ្មែរនោះប្រទេសរបស់យើងអាចរីកចំរើនបាន

Saturday, October 1, 2011

អាការប្លែកៗ របស់ម្ដាយមុនពេលសម្រាលកូន

អាការប្លែកៗ របស់ម្ដាយមុនពេលសម្រាលកូន

      មិនត្រូវមានការព្រួយបារម្ភទេប្រសិនបើមានអាការដូចខាងក្រោម
នេះកើតចំពោះម្ដាយទាំងឡាយមុនសម្រាលពីព្រោះយើងអាចដោះ ស្រាយបញ្ហាអស់ទាំងនោះបានដោយគ្រាន់តែជ្រើសរើសទទួលទាន
អាហារដែលមានគុណប្រយោជមន៍ និង ចៀសវាងអាហារទាស់មួយចំនួនតែប៉ុណ្ណោះ។
 ១- ខ្វះឈាម
 ប្រសិនបើមានអារម្មណ៍ហត់ មុខស្លេក ក្រចកដៃស្លេក ងាយខ្យល់ចាប់នោះគឺ ដោយសារតែអ្នកបានទទួលធាតុដែកតិចពេក ។ ដូច្នេះអាហារដែលគួរទទួលទានគឺ ថ្លើម សាច់មិនជាប់ខ្លាញ់ អាហារសមុទ្រ ទឹកដោះគោស៊ុត ល្ង ត្រកូន និង ប៉េងប៉ោះពី ព្រោះអាហារទាំងអស់នេះជួយធ្វើឱ្យរាងកាយបឺតស្រូបយកធាតុដែកបាន ល ។
 ២- ប្រគ្រីវ
 អាការប្រគ្រីវ ឬដំណើរកន្ត្រាក់សាច់ដុំ បណ្ដាលមកពីរាងកាយបានទទួលកាល់ ស្យូមមិនគ្រប់គ្រាន់ ។ សូមកុំភ្លេចថា ជីវិតអ្នកមិនមែនមានតែមួយទេ គឺមានកូនតូចមួយ ទៀតផងដែរ ដែលកូនក្នុងផ្ទៃនេះត្រូវការអាហារពី ម្ដាយដើម្បីពង្រឹងឆ្អឹង និង ធ្មេញ ។ ដូច្នេះម្ដាយត្រូវទទួលទានអាហារដែលមានកាល់ស្យូម ដូចជា ទឹកដោះគោ កំពឹស កូន ត្រីតូចៗ ល្ងខ្មៅ សណ្ដែកក្រហម ស្លឹកញ និង ស្លឹបបាស ជា ដើម ។
 ៣- ឈឺខ្នង
 អាការឈឺខ្នងដោយសារតែម្ដាយត្រូវទទួលអម្រែកធ្ងន់បន្ថែម ទើបធ្វើឱ្យភាពរឹមមាំ នៃសន្លាក់ថយចុះ ជាហេតុបង្កឱ្យងាយឈឺខ្នង។ វីធីដោះស្រាយបញ្ហានេះគឺត្រូវអង្គុយ ឱ្យត្រង់ខ្លួន ពើងទ្រូង ងើបមុខឡើងបន្តិច នឹងជួយធ្វើឱ្យធូរស្បើយអាការខាងលើនេះ ហើយ ។ ចំណែកអាហារដែលត្រូវទទួលទានរួមមាន ខ្លាញ់ ខ្ញី ល្មៀត ផ្កាស្ពៃ ព្រោះ អាហារទាំងនេះ ជួយបន្ថយដំណើររលាក សម្រាល់អាការឈឺសាច់ដុំ ហើយ ថែមទាំង ជួយទាំងជួយពង្រឹងសំណុំឆ្អឹងបានទៀតផង។
 ៤- ចុកសៀតណែនដើមទ្រូង
 អាការនេះ កើតបណ្ដាលមកពីស្បូនរីកទៅប្រជៀតក្រពះអាហារ ធ្វើឱ្យក្រពះ រំលាយយឺត រំលាយបានតិច ហើមពោះ ហើយអាចធ្វើឱ្យទឹកអស់ហ្ស៊ីមក្រពះហូរត្រឡប់ មកកាន់បំពង់អាហារវិញ។ វិធីដោះស្រាយគឺត្រូវទទួលទានអាហារម្ដងបន្តិចៗ និង អាហារណាដែលងាយរំលាយ និង ត្រូវផឹកទឹកខ្ញីឬទឹកព្នៅ ហើយគួរតែចៀសវាងកាហ្វេ ទឹកក្រូច ទឹកដោះគោ សូកូឡា អាហាររសជាតិខ្លាំង (ប្រៃពេក ហឹកពេក)និងអាហារភេទ ចៀន ពីព្រោះអាហារទាំងនេះកាន់តែធ្វើឱ្យហើមពោះខ្លាំងឡើង ។
 ៥- ទល់លាមក
 ប្រសិនបើទម្ងន់របស់ស្បូរទៅសង្កត់សរសៃឈាមត្រង់បរិវេណទ្វារបាតរោគដែល ត្រូវប្រយ័ត្នគឺឬសដូចបាត។ ដើម្បីការពារបញ្ហានេះត្រូវផឹកទឹកឱ្យបានច្រើន ទទួលទាន បន្លែផ្លែឈើនិង អាហារណាដែលមានជាតិសរសៃខ្ពស់ ដូចជា កន្ទក់ អង្ករសំរូបអម្ពិល និង ផ្លែព្រូន។ ត្រូវចាំទុកថាមិនគួរទិញថ្នាំមកទទួលទានខ្លួនឯងឡើយបើចាំបាច់ត្រូវប្រើ ថ្នាំ ត្រូវពិគ្រោះជាមួយគ្រូពេទ្យ ។
 ៦. អាការហើមជើង-ដៃ
 ការហើម ប្រសិនបើហើមតិចតួចវាជារឿងធម្មតាសម្រាប់ស្រ្ដីមានផ្ទៃពោះប៉ុន្តែមិន ត្រូវភ្លេចខ្លួនឡើយ ពីព្រោះអាការហើមអាចបណ្ដាលមកពីលើសឈាមក៏មានដែរ។ វិធីដោះស្រាយគឺត្រូវផ្អាកទទួលទានអាហារប្រៃ សូកូឡានិងក្ដោប និង ឃឹនឆាយព្រោះ វាអាចជួយកាត់បន្ថយសម្ពាធឈាម។
 ៧-ដេកមិនលក់ រសាប់រសល់
 អាការនេះអាចបណ្ដាលមកពីភាពកង្វក់ដែលកើតឡើងក្នុងចិត្ត តានតឹង ឬមាន អារម្មណ៍ក្ដៅ ។ ដូច្នេះអាហារដែលមានប៉ូតាស្យូម ដូចជា ក្រូច ផ្លែ ព្រូន ចេក ចេក ប៊័រ ផ្កាស្ពៃ និង ការ៉ុតនឹងជួយឱ្យដេកលក់ស្រួលបានដែរ៕
            ដកស្រង់ ទស្សនាវដ្ដី ប្រជាប្រិយ
            ឆ្នាំទី ១៦ លេខ ៤៨០ ១១-២០ មករា ២០១០

0 comments:

Post a Comment

 
Design by Free WordPress Themes | Bloggerized by Lasantha - Premium Blogger Themes | Lady Gaga, Salman Khan