1:55 AM
specialshowtoday
មេដឹកនាំល្ងង់ខ្លៅ គឺជាគ្រោះថ្នាក់របស់ប្រជាពលរដ្ឋនិង ប្រទេសជាតិ៖ នាយករដ្ឋមន្ត្រីថៃស្នើកម្ពុជាលើកលែងទោសទណ្ឌិតថៃពីររូប ។ ចំណែក ហ៊ុន សែន វិញ ថៃបាញ់សំឡាប់ខ្មែររាប់សិបនាក់ មិនដែលហ៊ានក្អកដាក់ថៃ សូម្បីតែមួយម៉ាត់ តែបើខ្មែរដូចគ្នា ហ៊ុន សែន ប្រើគ្រប់មធ្យោបាយ គំរាម សម្លាប់ ចាប់ដាក់គុក យ៉ាងអយុត្តិធម៍ នេះបានចំជានាយករដ្ឋមន្ត្រីល្ងង់ខ្លៅក្បត់ជាតិមែន !
លោកស្រីយីងឡាក់ ពេលជួបជាមួយលោកនាយករដ្ឋមន្ត្រីហ៊ុន សែន កាលពីឆ្នាំមុន ដើម្បីមកគោរពវិញ្ញាណក្ខន្ធព្រះបរមសព។រូបថតហេង ជីវ័ន
- Thursday, 10 January 2013
- លាង ផាន់ណារ៉ា ភ្នំពេញប៉ុស្តិ៍
នាយករដ្ឋមន្ត្រីថៃ លោកស្រីយីងឡាក់ ស៊ីណាវ៉ាត់
បានលើកស្នើសុំលោកហ៊ុន សែន នាយករដ្ឋមន្ត្រីកម្ពុជា
ពិចារណាអំពីលទ្ធភាពលើកលែងទោសទណ្ឌិតថៃពីររូបដែលកំពុងជាប់
ពន្ធនាគារក្នុងប្រទេសកម្ពុជាពីបទធ្វើចារកម្ម។
អ្នកនាំពាក្យ
ក្រសួងការបរទេសកម្ពុជា បានឲ្យដឹងថានៅថ្ងៃព្រហស្បតិ៍ទី១០
ខែមករានេះ លោកស្រី យីងឡាក់ បានលើកសំណូមពរទៅលោក នាយករដ្ឋមន្ត្រី
ហ៊ុន សែន សុំលើកលែងទោសដល់ ទណ្ឌិតថៃពីររូបមានឈ្មោះ វីរ៉ា
ស៊ុមក្វាមឃីដ និង រ៉ាទ្រី ពីប៉ាតាណាប៉ៃប៊ូន
ដែលកំពុងជាប់ពន្ធនាគារក្នុងប្រទេសកម្ពុជាពីបទធ្វើចារកម្មក្នុង
តំបន់ហាមឃាត់យោធានៃប្រទេសកម្ពុជា។
ឆ្លើយតបនឹងសំណើរបស់លោក
ស្រី យីងឡាក់ លោកនាយករដ្ឋមន្ត្រីហ៊ុន
សែនក៏បានស្នើឲ្យរដ្ឋមន្ត្រីក្រសួងយុត្តិធម៌ធ្វើការពិចារណា
បន្ធូបន្ថយទោសដល់ទណ្ឌិត វីរ៉ា ស៊ុមក្វាមឃីដ
ដើម្បីអាចឈានទៅការលើកលែងទោសនាពេលខាងមុខ
និងធ្វើការលើកលែងទោសទណ្ឌិត រ៉ាទ្រី ពីប៉ាតាណាប៉ៃប៊ូន
ក្នុងឳកាសព្រះរាជពិធីថ្វាយព្រះភ្លើងព្រះបរមសព ព្រះបាទនរោត្តម
សីហនុនៅថ្ងៃចន្ទទី៤ ខែកុម្ភៈខាងមុខនេះ។
បច្ចុប្បន្ន
ក្រសួងយុត្តិធម៌កំពុងធ្វើការសិក្សាករណីនេះ
ហើយនឹងសម្រេចក្នុងពេលឆាប់ៗខាងមុខ
នេះបើយោងតាមសេចក្តីប្រកាសព័ត៌មានក្រសួងការបរទេស
និងសហប្រតិបត្តិការអន្តរជាតិ។
សូមបញ្ជាក់ថា នៅខែវិចិ្ឆកា
ឆ្នាំ២០១២ ក្នុងអំឡុងពេលនៃកិច្ចប្រជុំកំពូលអាស៊ាន លើកទី២១
ដែលបានប្រព្រឹត្តិទៅនៅរាជធានីភ្នំពេញ លោកស្រីយីងឡាក់ ស៊ីណាវ៉ាត់
ក៏ធ្លាប់បានស្នើលោកនាយករដ្ឋមន្ត្រីហ៊ុន សែនម្តងរួចមកហើយ។
Posted in: khmer news
0 comments:
Post a Comment