Freedom of news in the world ,wanted to show the problem in the societies

ជនជាតិខ្មែរកើតនៅលើដីខ្មែរ ត្រូវចេះខំថែជាតិឲ្យបានរុងរឿង កេរ្តិ៍ឈ្មោះជាតិ យើងបានថ្កុំថ្កើង លុះត្រាតែយើងចេះថែរក្សា។ ទោះបីខ្មែររស់នៅប្រទេសណា ចូរកុំភ្លេចថាខ្លួនកើតមកជាខ្មែរ កុំឲ្យបរទេស គេមកបង្វែរ ឲ្យខ្មែរនិងខ្មែរ បែកសាមគ្គីគ្នា ថ្វីបើគេហ៊ានចំណាយ ប្រាក់កាសចាយហូរហៀរយ៉ាងណា ចូរកុំភ្លេច កេរ្តិ៍ឈ្មោះខេមរា រុងរឿងថ្លៃថ្លា តាំងពីបុរាណ ព្រលឹងជាតិនៅគង់វង្សបានយូរ ទាល់តែយើង ស៊ូរួបរួមគ្នាគ្រប់ប្រាណ កសាងជាតិដោយក្តីក្លាហាន នោះជាតិយើងបានស្គាល់ក្តីរុងរឿង។

ខ្មែរស្រឡាញ់ខ្មែរចេះជួយខ្មែរនោះប្រទេសរបស់យើងអាចរីកចំរើនបាន

Wednesday, February 27, 2013

សណ្ឋាគារខ្ពស់បំផុតបើកសម្ពោធស្អែកនេះ

9:21 PM

specialshowtoday

No comments

ឈរនៅកម្ពស់ដ៏ខ្ពស់កប់ពពក សណ្ឋាគារ JW Marriott Marquis ក្នុងទីក្រុងឌូបៃ នឹងបើកសម្ពោធដំណើរការជាផ្លូវការនៅថ្ងៃស្អែក ហើយក៏ត្រូវគេដាក់បញ្ចូលជាសណ្ឋាគារខ្ពស់បំផុតក្នុងលោករបស់ Guinness ដំណាលគ្នាដែរ។

ស្ថិតក្នុងកម្ពស់ ៣៥៥ ម៉ែត្រ អគារសណ្ឋាគារប្រណីតដែលមាន ៧២ ជាន់នេះ នឹងយកឈ្នះកំណត់ត្រាចាស់គឺ Rose Tower (កម្ពស់ ៣៣៣ ម៉ែត្រ) ក្នុងទីក្រុងឌូបៃដូចគ្នា។

សណ្ឋាគារ JW Marriott Marquis ក្នុងទីក្រុងឌូបៃ

សណ្ឋាគារ ថ្មីដែលជាគ្រប់គ្រងដោយ Emirates Group នេះមានភោជនីយដ្ឋានចំនួន ៩ រង្គសាល ៥ សាលរបាំ ២ ក៏ដូចជា ក្លឹបស្ប៉ា គ្លីនិកសុខភាព អាងហែលទឹក និងសេវាកម្មជាច្រើនទៀត។

សណ្ឋាគារនេះស្ថិតនៅលើអគារកប់ពពកពីរ ប៉ុន្តែសម្ពោធតែមួយសិនប៉ុណ្ណោះនៅថ្ងៃស្អែកនេះដោយអគារមួយទៀត គ្រោងនឹងសម្ពោធយ៉ាងយូរត្រឹមឆ្នាំ ២០១៤។ ក្នុងមួយអគារនៃអគារកប់ពពកទាំងពីរខាងលើមានបន្ទប់សរុប ចំនួន ៨០៤។

តំណាងរបស់សៀវភៅកំណត់ត្រាពិភពលោក Guinness ផ្ដល់វិញ្ញាបនបត្របញ្ជាក់ថា
សណ្ឋាគារ JW Marriott Marquis ជាសណ្ឋាគារខ្ពស់បំផុតក្នុងលោកថ្មី

អគារនីមួយៗមានបន្ទប់ធំថ្នាក់ Presidential ចំនួន ២ ថ្នាក់ Typical King ចំនួន ៥០៦ បន្ទប់ភ្លោះធម្មតាចំនួន ១៥៦ បន្ទប់ពិសេសសម្រាប់ជនពិការចំនួន ៤ និងបន្ទប់កែងធំ ចំនួន ១១៨។

ចំពោះតម្លៃស្នាក់នៅសម្រាប់មនុស្សម្នាក់ក្នុងមួយយប់មានចាប់ពី ៣២៦ ដុល្លារឡើងទៅ។ សូមមើលទិដ្ឋភាពទូទៅនៃអនាគតសណ្ឋាគារខ្ពស់បំផុតក្នុងលោក។