3:14 AM
specialshowtoday
យន្តហោះB-2 កំពុងទម្លាក់គ្រាប់បែកក្លែងក្លាយ
យន្តហោះទម្លាក់គ្រាប់បែកយុទ្ធសាស្ត្របំបាំងកាយដ៏ ទំនើបធុនB-២ របស់អាមេរិកដែលអាចផ្ទុកគ្រាប់បែកនុយក្លេអ៊ែរដូចយន្តហោះ B-៥២ ដែរ កាលពីថ្ងៃទី២៨ មីនា បានហោះហ្វឹកហ្វឺនពីលើប្រទេសកូរ៉េខាងត្បូង ខណៈមានសង្គ្រាមពាក្យសំដីជាមួយរបបកូរ៉េខាងជើងដែលធ្វើការគំរាម កំហែងយ៉ាងខ្លាំង ពិសេសក្រោយការហោះហើរលើកូរ៉េខាងត្បូងរបស់យន្តហោះ ទម្លាក់គ្រាប់បែកយុទ្ធសាស្ត្រធុន B-៥២ មក ។
យោងតាមសេច ក្តីប្រកាសមួយរបស់ទីបញ្ជាការកងទ័ពអាមេរិកនៅកូរ៉េខាងត្បូងថា យន្តហោះទម្លាក់គ្រាប់បែកធុនB-២ SPIRIT ២គ្រឿង បានហោះចេញពីមូលដ្ឋានអាកាសចរណ៍ WHITEMAN នៅមីស៊ូរី មកហាត់សមទម្លាក់គ្រាប់បែកក្លែងក្លាយលើគោលដៅជាច្រើននៅលើ ដែនដីកូរ៉េខាងត្បូង ។ ការហោះហើររបស់យន្តហោះធុននេះ ស្ថិតក្នុងក្របខណ្ឌនៃសមយុទ្ធយោធារួមរៀបចំធ្វើឡើងរាល់ឆ្នាំ រវាងកងទ័ពអាមេរិក និងកូរ៉េខាងត្បូង ដែលបង្ហាញពីសមត្ថភាពរបស់សហរដ្ឋអាមេរិកដែលអាចវាយប្រហារបាន គ្រប់ពេលចេញពីទីឆ្ងាយមក ។
ការលេចរូបរបស់យន្តហោះយុទ្ធ សាស្ត្រទំនើបនេះពិតណាស់នឹងបង្កឱ្យមានប្រតិកម្មយ៉ាងខ្លាំង មួយរបស់ក្រុងព្យុងយ៉ាងដែលបានគំរាមរួចហើយក្នុងខែនេះវាយប្រហារ ដែនដីអាមេរិក ឬកោះហ្គាម ព្រមទាំងកោះហាវ៉ៃ ជាការឆ្លើយតបចំពោះការហោះហើរហ្វឹកហ្វឺនរបស់យន្តហោះB-៥២ លើដែនដីកូរ៉េខាងត្បូង ៕
Posted in: khmer news
0 comments:
Post a Comment