10:19 PM
specialshowtoday
ថ្វីបើសិចជារឿងដែលភាគច្រើន បុរសជាអ្នកកាន់ចង្កូតបត់ទៅតាមអារម្មណ៍របស់ខ្លួនក៏ដោយ ក៏មានបម្រាមមួយចំនួន ពុំគប្បីធ្វើចំពោះស្ត្រី ព្រោះថាបើធ្វើទៅនឹងនាំឲ្យអារម្មណ៍របស់ស្ត្រីល្អក់កករ ឬខ្ពើមរអើម គិតថាវាហាក់ដូចជាជ្រុលហួសហេតុ រហូតទាល់តែធ្វើឲ្យលែងមានអារម្មណ៍ចង់ទៅទៀត។
១-កុំចចេសពេលនាងប្រាប់ថា “អត់ទេ”
ពេលខ្លះអារម្មណ៍របស់នាង មិនមានលក្ខណៈអំណោយផលក្នុងការរួមភេទ ប៉ុន្តែខាងបុរសច្រើនតែមិនលះបង់សេចក្តីព្យាយាមចង់បន្ធូរអារម្មណ៍ ផ្លូវភេទ ដោយបង្ខំរួមភេទជាមួយនាង បើទោះណាជាឃើញនាងអស់កម្លាំងរហិតរហៃ មិនមានអារម្មណ៍ចង់រួមភេទក៏ដោយ។ ខាងស្រីបានសុំឲ្យបុរសជាគូស្នេហ៍ទាំងឡាយ បញ្ឈប់រាល់សកម្មភាពអាត្មានិយមបែបនេះ។
២-កុំសម្តែងឫកល្មោភកាមជ្រុលពេក
ព្រោះថា វានឹងធ្វើឲ្យនាងមានអារម្មណ៍តក់ស្លុតភ័យខ្លាច។ បុរសមានតួនាទីបង្កើតបរិយាកាស និងដាស់អារម្មណ៍ផ្លូវភេទ រហូតទាល់តែធ្វើឲ្យនាងចង់ចូលរួមសប្បាយក្នុងរឿងកាមកិច្ច ទាំងអស់គ្នា មិនមែនសម្តែងអាការល្មោភកាម ធ្វើឲ្យសិចជារឿងអាសអាភាសសម្រាប់បន្ធូរអារម្មណ៍ផ្លូវភេទឡើយ។
៣-កុំផ្តោតអារម្មណ៍លើរឿងផ្សេងខ្លាំងជាងនាងៈ
ពីព្រោះខ្លួនមិនមែននៅតែឯង និងមិនមែនកំពុងតែជួយខ្លួនឯងឡើយ ដូច្នេះអាចចាត់ទុកថា ជាកំហុសឆ្គងធំមួយ ប្រសិនបើខ្លួនបើកភាពយន្តសិចមើល ហើយផ្តោតចំណាប់អារម្មណ៍តែទៅលើស្ត្រីក្នុងរឿងសិចនោះ ដោយភ្លេចគិតថា ខ្លួនកំពុងតែមានសិចជាមួយស្ត្រីគូស្នេហ៍។ ដូច្នេះបុរសទាំងឡាយ គួរតែផ្តោតចំណាប់អារម្មណ៍ចំពោះដៃគូខ្លួនឲ្យបានខ្លាំងជាងស្ត្រី ណាៗទាំងអស់ក្នុងលោក។
៤-កុំធ្វើឲ្យនាងមានស្លាកស្នាមៈ
ការបន្សល់ទុកនូវស្លាកស្នាមជាំលើរាងកាយ តាមរយៈការគ្រឺតខ្នាញ់នាងខ្លាំងពេកនោះ មិនមែនជាប្រការល្អឡើយ។ ផ្ទុយទៅវិញ វាបែរជារឿងអាម៉ាស់មួយសម្រាប់នាង ដែលអ្នកណាៗ ឃើញក៏អាចដឹងបានថា ស្នាមជាំនេះ កើតពីអ្វីបានដែរ ជាពិសេស ស្នាមដែលកើតនៅត្រង់កន្លែងដែលគេងាយមើលឃើញដូចជា ក និងដើមដៃជាដើម។
៥-កុំចូលខុសទ្វារៈ
ថ្វីបើសម័យ បច្ចុប្បន្ននេះ ចរន្តនៃការសាកល្បងសិច អាចប្រព្រឹត្តទៅបាន មិនចំពោះថាចូលតាមទ្វារមុខ ឬទ្វារក្រោយ ដែលបណ្តាលចិត្តបុរសឲ្យចង់សាកល្បងយ៉ាងណាក៏ដោយ ប៉ុន្តែបុរសទាំងឡាយ គួរកុំគប្បីចង់ធ្វើអ្វីដែលខុសពីធម្មជាតិឡើយ ជាពិសេសនៅពេលដែលមានការបដិសេដដាច់អហង្ការពីស្ត្រីជាដៃគូ។
៦-កុំហិង្សាសិចខុសទំនងៈ
ប្រសិនបើសួរស្ត្រីទាំងឡាយថា អ្វីដែលជារឿងគួរឲ្យខ្លាចញញើតបំផុត ក្នុងការមានសិចក្នុងមួយដងៗនោះ ច្បាស់ណាស់ ពួកនាងមិនព្រមឆ្លើយព្រមគ្នាថា គឺភាពឆ្កួតៗរបស់បុរសៗ ដែលចូលចិត្តធ្វើអ្វីប្លែកៗ ឬខុសទំនង ពោលគឺចូលចិត្តសិចបែបខ្លាំងៗ ឬ ចម្លែកខុសតម្រាដែលធ្វើឲ្យស្ត្រីមានអារម្មណ៍ញញើតខ្លាច។
៧-កុំមិនសុភាព និងប្រឡូកប្រឡាក់ដាក់នាងៈ
មានការសម្របតាមច្រើនណាស់ សម្រាប់ស្ត្រី ប៉ុន្តែរឿងមួយដែលស្ត្រីសុំពីបុរសជាគូស្នេហ៍ គឺហាមសម្តែងអាការ ឈ្លើយ មិនឲ្យតម្លៃនាងជាដាច់ខាត។ ថ្វីបើសិចជារឿងប្រឌិតញាណ និងមិនកំណត់ក្នុងការច្នៃឲ្យមានលក្ខណៈប្លែកៗក្តី ប៉ុន្តែនាងប្រាកដជាមិនអាចទទួលយកបានទេ ប្រសិនបើរាងកាយរបស់នាង ត្រូវបានប្រឡាក់ប្រឡូកប៉ូក ប៉ាក់ទៅដោយរបស់គគ្រក់ កខ្វក់នោះ។
៨-កុំលើសពីពីរនាក់ៈ
ទោះបីសិចជារឿងគួរឲ្យសាកល្បងជាមួយនិន្នាការ Threesome (សិចគ្នាបីនាក់) និង Sex Group (សិចជាក្រុម) ដែលធ្វើឲ្យទទួលអារម្មណ៍ប្លែកក៏ដោយ ក៏ពុំគប្បីប្រព្រឹត្តដែរ ព្រោះស្ត្រីមួយចំនួនធំគិតថា សិចជារឿងអារម្មណ៍ ជារឿងដែលផុសចេញពីមនោសញ្ចេតនាសុទ្ធសាធ ដែលចំណងមួយនេះ តម្រូវឲ្យចង និងបង្កើតវាឡើង រវាងតែមនុស្សពីរនាក់ ហើយអ្វីដែលស្ត្រីជាគូស្នេហ៍សុខចិត្តយល់ព្រមបូជាកាយថ្វាយខ្លួនជូន ប្រុសបណ្តូលចិត្ត នៅពេលនេះនោះ ក៏ព្រោះតែកើតចេញពីក្តីស្រឡាញ់នេះឯង។ កត្តាសំខាន់ គឺរាងកាយស្ត្រីជាដៃគូ មិនមែនជារបស់សាធារណៈ ដែលអ្នកណាៗ ក៏អាចមកចាប់ញក់ញី ឈ្លីឈ្លេចបាននោះដែរ៕
Posted in: ការយល់ដឹងពីស៊ិច និងស្នេហា
0 comments:
Post a Comment