10:26 PM
specialshowtoday
លោក Hugh Hefner បានលាតត្រដាងឲ្យដឹងថា លោកបានដេកជាមួយស្រី "ជាងមួយពាន់នាក់" ។ ស្ថាបនិកទស្សនាវដ្តី Playboy វ័យ ៨៦ ឆ្នាំ ដែលបានរៀបការប្រពន្ធទីបីឈ្មោះ Crystal Harris កាលពីខែធ្នូឆ្នាំទៅ បានទទូចថា លោកតែងតែមានចិត្តស្មោះសរអំឡុងអាពាហ៍ពិពាហ៍របស់ខ្លួន ប៉ុន្តែ "បានដេកជាមួយស្រីក្រៅ" នៅពេលដែលលោកនៅលីវ ។
ដោយ ត្រូវបានសួរដោយទស្សនាវដ្តី Esquire របស់អាមេរិកចេញលេខថ្មី ថាតើស្រីប៉ុន្មាននាក់ហើយដែលលោកបានដេកជាមួយ លោកបានឆ្លើយថា "អូ តើខ្ញុំអាចចាំបានយ៉ាងដូចម្តេចទៅ? ជាង ១ ពាន់នាក់, ខ្ញុំប្រាកដណាស់ ។
មានការលែងលះច្រើនក្នុងជីវិតរបស់ខ្ញុំនៅពេលខ្ញុំបានរៀបការ ហើយនៅពេលខ្ញុំបានរៀបការខ្ញុំមិនដែលបោកប្រាស់នោះទេ ។ ប៉ុន្តែខ្ញុំមានស្រីក្រៅនៅពេលដែលខ្ញុំអត់រៀបការ ។ អ្នកត្រូវតែរក្សាជំនាញរបស់អ្នក " ។
បុរសមានឥទ្ធិពលខាង ប្រព័ន្ធផ្សព្វផ្សាយ ដែលធ្លាប់រៀបការពីមុនជាមួយអ្នកស្រី Mildred Williams ពីឆ្នាំ ១៩៤៩ ដល់ ១៩៥៩ និង អ្នកស្រី Kimberley Conrad ជាម្តាយរបស់កូនប្រុសគាត់ឈ្មោះ Marston អាយុ ២២ ឆ្នាំ និង ឈ្មោះ Cooper អាយុ ២១ ឆ្នាំ ពីឆ្នាំ ១៩៨៩ ដល់ឆ្នាំ ២០១០ មានភាពសប្បាយរីករាយជាពេលណាៗទាំងអស់ពេលនៅជាមួយនាង Crystal និង មានអារម្មណ៍ថា "មានភព្វសំណាងណាស់" ដែលបានរកឃើញស្នេហាម្តងទៀតនៅវ័យចំណាស់ ។
លោក Hugh ដែលមានកូនពីរនាក់ផ្សេងទៀត ឈ្មោះ Christie និង David ពីទំនាក់ទំនងរបស់លោកជាមួយអ្នកស្រី Mildred បាននិយាយថា "មិត្តយើងទាំងអស់គិតថា វាត្រូវបានបង្កើតឡើងក្នុងឋានសួគ៌ មានតែមនុស្សដែលមិនស្គាល់យើងប៉ុណ្ណោះ ដែលមើលឃើញយើងមានភាពខុសគ្នាទាក់ទិនទៅនឹងអាយុ និង សម្រស់" ។
លោក បាននិយាយថា "ខ្ញុំគ្រាន់តែមានអារម្មណ៍ថាមានភព្វសំណាងណាស់ដែលបានជួបនាងនៅ ដំណាក់កាលនេះក្នុងជីវិតរបស់ខ្ញុំ ។ ខ្ញុំបានរក្សាភាពល្អឥតខ្ចោះរហូតដល់នាទីចុងក្រោយ ។ ខ្ញុំចង់ឲ្យជីវិតនៅសល់របស់ខ្ញុំដូចជាជីវិតសព្វថ្ងៃនេះ ។ ខ្ញុំចង់ឲ្យវាក្លាយជាដូច្នេះ" ៕
Posted in: khmer news
0 comments:
Post a Comment