ពហុកីឡដ្ឋានមរតកតេជោ​​​ជិត​បើក​ការដ្ឋាន​សាងសង់​

យោង​តាម​​ការ​ផ្សាយ​ព័ត៌មាន​របស់​ទូរទស្សន៍​ជាតិ​កម្ពុជា (TVK) កាល​ពី​ល្ងាច​ថ្ងៃ​សុក្រ​ទី​ ១៥ មីនា ម្សិលមិញ​ថា ពហុកីឡដ្ឋានមរតក​​តេជោ​​ នឹង​បើក​ការដ្ឋាន​សាងសង់​មុន​​​បុណ្យ​ចូល​ឆ្នាំ​​ប្រពៃណី​ខ្មែរ​ខាង​មុខ ក្រោម​អធិបតីភាព​សម្ដេច​នាយក​រដ្ឋមន្រ្តី ហ៊ុន សែន។

គំរូ ពហុកីឡាដ្ឋាន​តេជោមរកត

ទីតាំង ​ដែល​គ្រោង​សាងសង់​ពហុ​កីឡដ្ឋាន​ថ្មី​​ក្នុង​ទំហំ​ផ្ទៃ​ដី​ជាង​៨០ហិកតា ក្នុង​ទឹកដី​ខណ្ឌឫស្សីកែវ (ខាងកើតស្ពានលីយ៉ុងផាត់) គ្រោង​នឹង ចំណាយ​ថវិកា​ប្រមាណ​ជា ២០០ លាន​ដុល្លារ​អាមេរិក។ ប្រភព​ដដែល​បាន​បន្ថែម​ថា លក្ខណៈ​បច្ចេកទេស​នៃ​ពហុ​កីឡដ្ឋាន​ថ្មី​នេះ ​គឺ​ត្រូវ​បាន​ស្ថាបនា​គូរ​ប្លង់​ដោយ​កូន​ខ្មែរ​សុទ្ធសាធ ហើយ​ស្ថាបត្យកម្ម​រចនា​ម៉ូត​ជាខ្មែរ ។ ការ​ស្ថាបនា មាន​​ទីតាំង​សម្រាប់​កីឡា​មួយ​ចំនួន​ដូចជា ទីលាន​កីឡាបាល់ទាត់ កីឡាបាល់បោះ កីឡាបាល់ឱប​ កីឡាបេតង់ អតពលកម្ម កីឡាហែលទឹក ដោយ​ឱ្យ​ស្រប​តាម​ស្តង់ដារ​អន្ដរជាតិ។ តាម​ការ​រំពឹង​ទុក​កីឡដ្ឋាន​មួយ​នេះ​អាច​ផ្ទុក​អ្នក​ចូល​ទស្សនា​បាន​ចំនួន​ ពី ៥ ម៉ឺន ទៅ ១០ម៉ឺននាក់៕

Posted in: khmer news