11:22 PM
specialshowtoday
ដោយ: គ្រីទិច
Cambodia Express News
Synopsis: About 100 supporters of Mam Sonando gathered at Preah Ang Dorn Keur in front of the royal palace to pray for his release from jail by the authority. The supporters indicated that they will collect petitions for Mam Sonando's release also.
ភ្នំពេញ: ក្រុមអ្នកគាំទ្រលោក ម៉ម សូណង់ដូ កំពុងតែជួបជុំគ្នានៅព្រះអង្គដងកើដើម្បីធ្វើការបួងសួងឲ្យមាន ការដោះលែងមេដឹកនាំរបស់ពួកគេដែលកំពុងតែត្រូវបានឃុំខ្លួនដោយអាជ្ញាធរ ។
លោកសៀ សុផុន ប្រធានសមាគមអ្នកប្រជាធិបតេយ្យនៅស្រុកកំពង់សៀមខេត្តកំពង់ចាម បាននិយាយថា យើងធ្វើការបួងសួងឲ្យមានការដោះលែងលោកម៉មសូណង់ដូ ពីព្រោះគាត់មិនខុសអ្វីឡើយ។យើងក៏មានគម្រោងប្រមូលញត្តិដើម្បី គាំទ្រផងដែរ។
មនុស្សប្រមាណជិត១០០នាក់បានចូលរួមការបួងសួងឲ្យមានការដោះលែងលោក ម៉ម សូណង់ដូ នៅព្រះអង្គដងកើ។
លោក ម៉ម សូណង់ដូ ត្រូវបានបញ្ជូនខ្លួនពីអគ្គស្នងការដ្ឋាននគរបាលជាតិទៅដល់ តុលាការសាលាដំបូងរាជធានីភ្នំពេញ កាលពីម៉ោង ១០ និង ២០ នាទី ព្រឹក ថ្ងៃទី ១៦ ខែកក្កដា ឆ្នាំ ២០១២ ។
លោក ម៉ម សូណង់ដូ ប្រធានវិទ្យុសំបុកឃ្មុំ និង ជាប្រធានសមាគមអ្នកប្រជាធិបតេយ្យ ត្រូវបានឃាត់ខ្លួនកាលពីព្រឹក ថ្ងៃទី១៥ ខែកក្កដា ឆ្នាំ ២០១២ ពាក់ព័ន្ធនឹងរឿងជម្លោះដីធ្លីនៅភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ ។
សូមរម្លឹកថា សមត្ថកិច្ចស្លៀកពាក់ស៊ីវិល និងឯកសណ្ឋានប៉ូលិស បានចូលដល់ក្នុងផ្ទះ ដែលជាស្ថានីយវិទ្យុសំបុកឃ្មុំ នៅភូមិត្នោតជ្រំ សង្កាត់បឹងទំពុន ខណ្ឌមានជ័យ រាជធានីភ្នំពេញ ដើម្បីនាំខ្លួនលោក ម៉ម សូណង់ដូ ប្រធានសមាគមអ្នកប្រជាធិបតេយ្យ និង ជានាយកវិទ្យុសំបុកឃ្មុំ FM ១០៥ MHz នា ព្រឹកម៉ោង ជិត ៩ ថ្ងៃអាទិត្យ ទី ១៥ ខែកក្កដា ឆ្នាំ ២០១២ ។
ដីការបស់ចៅក្រមស៊ើបសួររបស់តុលាការខេត្តក្រចេះ លោក ចុក ងួន ចុះ ថ្ងៃទី ២ កក្កដា ឆ្នាំ ២០១២ បានបង្ហាញថា លោក ម៉ម សូណង់ដូ ត្រូវបានចោទប្រកាន់ពាក់ព័ន្ធ នឹងបទល្មើសព្រហ្មទណ្ឌ ក្នុងករណីជម្លោះដីនៅខេត្តក្រចេះ៕
Posted in: khmer news
0 comments:
Post a Comment