7:17 PM
specialshowtoday
តើអ្នកណាសម្លាប់ ជា វិជ្ជា? ពិនិត្យពីករណីសម្លាប់មេដឹកនាំសហជីព ក្នុងឆ្នាំ ២០០៤ និងការស៊ើបអង្កេតរបស់នគរបាលក្រោយមក ដែលនាំទៅរកការផ្តន្ទាទោសលើបុរសពីរនាក់ ដែលគេជឿជាទូទៅថាជាជនគ្មានកំហុស។ ខ្សែភាពយន្តនេះ ថតក្នុងប្រទេសកម្ពុជាពីឆ្នាំ២០០៣ ដល់ ២០០៩ ហើយបានចេញផ្សាយជាភាសាអង់គ្លេសកាលពីឆ្នាំមុន។
យោងតាមសកម្មជនសហជីពបានឲ្យដឹងថា អាជ្ញាធរបានហាមឃាត់ខ្សែភាពយន្តជាភាសាអង់គ្លេស ហើយបានបញ្ឈប់ការប៉ុនប៉ងចាក់បញ្ចាំងខ្សែភាពយន្តនេះ បីលើកកាលពីឆ្នាំ ២០១០ ក្នុងនោះមានការប៉ុនប៉ងមួយលើក នៅសួនសេរីភាព ក្នុងរាជធានី។
លោក Cox បានថ្លែងតាមរយៈអ៊ីមែល ពីម្សិលមិញថា៖ «ខ្ញុំកំពុងព្យាយាមធ្វើឲ្យមានការលុបចោលការហាមឃាត់ នៅប្រទេសកម្ពុជា។ សេរីភាពបញ្ចេញមតិត្រូវបានការពារក្រោមធម្មនុញ្ញកម្ពុជា បើទោះជានគរបាលនិងមន្រ្តីរដ្ឋាភិបាលនិយាយអ្វីក៏ដោយ»។
លោក ខៀវ សុភ័គ អ្នកនាំពាក្យក្រសួងមហាផ្ទៃ បានថ្លែងកាលពីម្សិលមិញថា ខ្សែភាពយន្តឯកសារនេះត្រូវបានហាមឃាត់ ព្រោះថា បានថតក្នុងប្រទេសកម្ពុជា ដោយពុំមានការយល់ព្រមពីក្រសួងវប្បធម៌ឬក្រសួងព័ត៌មាន។លោក ថ្លែងថា៖ «ខ្ញុំមិនដឹងថា តើមានផលវិបាកអ្វី ប្រសិនបើខ្សែភាពយន្តនេះចាក់បញ្ចាំងនៅកម្ពុជា»។
លោក ជា មុនី ប្អូនប្រុសរបស់លោក ជា វិជ្ជា បច្ចុប្បន្នជាប្រធានសហជីពសេរីកម្មករកម្ពុជា បានស្វាគមន៍ខ្សែភាពយន្តជាភាសាអង់គ្លេសនេះពីម្សិលមិញ។ លោកបញ្ជាក់ថា៖«នៅពេលអាជ្ញាធរបញ្ឈប់ការបញ្ចាំង វាជាកំហុសធ្ងន់ធ្ងរ។ ទង្វើនេះផ្ទុយពីរដ្ឋធម្មនុញ្ញកម្ពុជា។ វាជាសេរីភាព ដែលជនកម្ពុជាត្រូវដឹង»។
ខ្សែភាពយន្តជាភាសាខ្មែរ តើនរណាសម្លាប់ជា វិជ្ជា? មានអ្នកទស្សនា ៩០០០ នាក់ហើយ លើគេហទំព័រពីរគឺ YouTube និង Vimeo ចាប់តាំងពីពេលវីដេអូនេះត្រូវបានបង្ហោះ៥ថ្ងៃកន្លង ទៅ៕ TK
Posted in: khmer news
0 comments:
Post a Comment