Freedom of news in the world ,wanted to show the problem in the societies

ជនជាតិខ្មែរកើតនៅលើដីខ្មែរ ត្រូវចេះខំថែជាតិឲ្យបានរុងរឿង កេរ្តិ៍ឈ្មោះជាតិ យើងបានថ្កុំថ្កើង លុះត្រាតែយើងចេះថែរក្សា។ ទោះបីខ្មែររស់នៅប្រទេសណា ចូរកុំភ្លេចថាខ្លួនកើតមកជាខ្មែរ កុំឲ្យបរទេស គេមកបង្វែរ ឲ្យខ្មែរនិងខ្មែរ បែកសាមគ្គីគ្នា ថ្វីបើគេហ៊ានចំណាយ ប្រាក់កាសចាយហូរហៀរយ៉ាងណា ចូរកុំភ្លេច កេរ្តិ៍ឈ្មោះខេមរា រុងរឿងថ្លៃថ្លា តាំងពីបុរាណ ព្រលឹងជាតិនៅគង់វង្សបានយូរ ទាល់តែយើង ស៊ូរួបរួមគ្នាគ្រប់ប្រាណ កសាងជាតិដោយក្តីក្លាហាន នោះជាតិយើងបានស្គាល់ក្តីរុងរឿង។

ខ្មែរស្រឡាញ់ខ្មែរចេះជួយខ្មែរនោះប្រទេសរបស់យើងអាចរីកចំរើនបាន

Friday, January 18, 2013

វាលផ្កាត្រជាក់ចិត្តនៅ Hokkaido

8:48 PM

specialshowtoday

No comments

មនុស្សភាគច្រើននៅពេលដែលមានពេលទំនេរហើយចង់រកទីកន្លែងដើម្បីទេសចរណ៍នោះ គឺជាទូទៅមានភាពទោរទន់ទៅលើការដើរកម្សាន្តមើលទីកន្លែងអច្ឆរិយ តែមានអ្នកខ្លះទៀតក៏ចូលចិត្តការលំហែកាយនៅ តាមទីកន្លែងបែបធម្មជាតិដែរ។

Hokkaido គឺជាកោះ ធំបំផុតទី២នៅ ជប៉ុនហើយក៏ជាវាលផ្កាឥន្ទធនូមួយកន្លែងយ៉ាងល្បីល្បាញ ផងដែរ។ វាគឺជាដីវាលដ៏ធំល្វឹងល្វើយដ៏សែនស្អាតប្រកបដោយផ្កាដែលមាន សម្រស់ស្រស់បំព្រងនិងមើលទៅ រស់រវើកប្រៀបដូចជាពួកវាកំពុងតែញញឹមស្វាគមន៍ភ្ញៀវដែលបានទៅ កម្សាន្តអីចឹង។ នៅទីនោះអ្នកអាចមើលឃើញ ទិដ្ឋភាព ផ្កាជាច្រើនប្រភេទចម្រុះពណ៌គ្នាគួបផ្សំជាមួយអាកាសធាតុអំណោយផល និងផ្ទៃមេឃដ៏ខៀវខ្ចី ដែលជាឱកាសមួយធ្វើឲ្យអ្នកដែលបានទៅកម្សាន្តនៅទីនោះជក់ចិត្ត មិនអាចបំភ្លេចបាន។ អ្នកអាចមើលឃើញសួនផ្កាឡាវែនដឺ និងផ្កាឈូករ័ត្នជាច្រើនដែលអ្នកមិនធ្លាប់ជួបហើយអ្នកប្រាកដជាមិន ភ្លេចឡើយនូវការផ្ដិតយករូបភាពទាំងនោះទុកជាអនុស្សាវរីយ៍។