ថ្វី​ត្បិត​មាន​ក្រុមហ៊ុន​ផលិត Smartphone ជា​ច្រើន​ ដូច​ជា​ Samsung និង​HTC ជា​ដើម ​កំពុង​ប្រកួត​ប្រជែង​​​​គ្នា​នៅ​អាមេរិក​​យ៉ាង​ខ្លាំង​ក្លា​ប៉ុណ្ណា​ក៏​ដោយ​ ក៏ Apple នៅ​តែ​ជាប់​​ជា​ក្រុមហ៊ុន​ផលិត Smartphone កំពូល​ដដែល​​ត្រឹម​រយៈ​ពេល ៣ខែ​ គិត​ចាប់​ពី​ខែ​វិច្ឆិកា​ ឆ្នាំ ២០១២ ដល់​ខែ​មករា ​​ឆ្នាំ ២០១៣។
ក្នុង​រយៈ​ពេល​បី​ខែ​នេះ​ Apple លក់ Smartphone បាន​ច្រើន​ជាង​គេ​ ពោល​គឺ​បាន ៣៧,៨% កើន​ឡើង ៣,៥ភាគ​រយ​បើ​ធៀប​នឹង​រយៈ​ពេល ៣ខែ​​​គឺ​​ចាប់​ពី​ខែ​សីហា​ដល់​តុលា​ឆ្នាំ ២០១២។ ចំណែក Samsung លក់​បាន ២១,៤% កើន ១,៩% ហើយ HTC លក់​បាន ៩,៧% ធ្លាក់​ចុះ ១,៧% ។ មើល​តារាង​ខាង​ក្រោម៖
ចុះ ​ចំណែក​ប្រព័ន្ធ​ប្រតិបត្តិការ iOS វិញ​អាច​ដណ្ដើម​បាន​​ទីផ្សារ​​ច្រើន​ទេ​នៅ​ទឹក​ដី​របស់​ខ្លួន? ជា​ការពិត​ណាស់​ទោះ​បី​ស្ថិត​នៅ​ទឹក​ដី​ខ្លួន​ក៏​ពិត​មែន​តែ iOS មិន​អាច​យក​ឈ្នះ Android របស់ Googleបាន​ទេ។ Google មាន​ក្ដាប់​ចំណែក​ទីផ្សារ​បាន ៥២,៣% ឈរ​ចំណាត់​ថ្នាក់​លេខ១ ខណៈ iOS មាន​ចំណែក​ទីផ្សារ​ត្រឹម​ ៣៧,៨% ឈរ​​ចំណាត់​ថ្នាក់​លេខ ២។ លេខ ៣ បាន​ទៅ​លើ BlackBerry ដែល​កាន់​ចំណែក​ទីផ្សារ​បាន ៥,៩%។ មើល​តារាង​ខាង​ក្រោម៖
សូម​បញ្ជាក់​ថា​ទាំង​តួលេខ​ភាគរយ​នៃ Hardware និង Softwareខាង​លើ​នេះ​គេ​គិត​ត្រឹម​រយៈ​ពេល ៣ ខែ គឺ​ចាប់​ពី​ខែ​វិច្ឆិកា​ឆ្នាំ ២០១២ ដល់​ខែ​មករា​​ឆ្នាំ ២០១៣ ធៀប​នឹង​​រយៈ​ពេល ៣ខែដួច​គ្នា​​ចាប់​ពី​ខែ​សីហា​ ដល់​តុលា​ឆ្នាំ ២០១២។​​
ប្រែ​សម្រួល៖ ឌូគូ
ប្រភព៖ mashable  ,sabay