Freedom of news in the world ,wanted to show the problem in the societies

ជនជាតិខ្មែរកើតនៅលើដីខ្មែរ ត្រូវចេះខំថែជាតិឲ្យបានរុងរឿង កេរ្តិ៍ឈ្មោះជាតិ យើងបានថ្កុំថ្កើង លុះត្រាតែយើងចេះថែរក្សា។ ទោះបីខ្មែររស់នៅប្រទេសណា ចូរកុំភ្លេចថាខ្លួនកើតមកជាខ្មែរ កុំឲ្យបរទេស គេមកបង្វែរ ឲ្យខ្មែរនិងខ្មែរ បែកសាមគ្គីគ្នា ថ្វីបើគេហ៊ានចំណាយ ប្រាក់កាសចាយហូរហៀរយ៉ាងណា ចូរកុំភ្លេច កេរ្តិ៍ឈ្មោះខេមរា រុងរឿងថ្លៃថ្លា តាំងពីបុរាណ ព្រលឹងជាតិនៅគង់វង្សបានយូរ ទាល់តែយើង ស៊ូរួបរួមគ្នាគ្រប់ប្រាណ កសាងជាតិដោយក្តីក្លាហាន នោះជាតិយើងបានស្គាល់ក្តីរុងរឿង។

ខ្មែរស្រឡាញ់ខ្មែរចេះជួយខ្មែរនោះប្រទេសរបស់យើងអាចរីកចំរើនបាន

Tuesday, March 19, 2013

ចោរ-សែន ប្រកែក ញ័រមាត់ នៅពេល ដែល សកម្មជន ដីធ្លីម្នាក់ កំពុងមក ប្តឹងនៅសភាអឺរ៉ុប និងឡាអេ?


ហ៊ុន សែន​៖ ករណី​ស្ត្រី​បឹងកក់ជាប់ឃុំ ជា​បទល្មើស​វាយ​គេ មិនមែន​ជា​រឿង​ដីធ្លី​ទេ​
ថ្ងៃទី 19 មីនា 2013 | ដោយ: រិទ្ធី 
Cambodia Express News
ភ្នំពេញ: ជា​លើកដំបូង​ហើយ ដែល​សម្តេច​នាយករដ្ឋមន្ត្រី ហ៊ុន សែន បាន​បញ្ចេញ​ប្រតិកម្ម ដោយ​លើកឡើង​មិន​ចេញ​ឈ្មោះលើ​ករណី​ស្ត្រី​អ្នក​ភូមិ​បឹងកក់ អ្នកស្រី យ៉ោម បុប្ផា ដែល​ត្រូវបាន​តុលាការផ្តន្ទាទោសដាក់ពន្ធនាគារ ៣ ឆ្នាំ កាលពី​ខែ​ធ្នូ ឆ្នាំ​២០១២ ក្នុង​បទចោទប្រកាន់​បង្ក​របួស​ស្នាម​លើ​អ្នករត់ម៉ូតូឌុប​ពីរ​នាក់​។ ករណី​នោះ សម្តេច​នាយក​រដ្ឋមន្ត្រី ហ៊ុន សែន បាន​ចាត់ទុកថា ជា​បទល្មើស​វាយ​គេ តែ​បែរជា​ស្ត្រី​នោះត្រូវ​គេ​បង្វែរ​​ជា​រឿង​ដីធ្លី​ទៅ​វិញ​។

ក្នុង​ពិធី​សម្ពោធ​ក្រុមប្រឹក្សា ​ជាតិ​អភិវឌ្ឍន៍​បៃតង ក​.​ជ​.​អ​.​ប​. និង​អគ្គលេខាធិការដ្ឋាន ក​.​ជ​.​អ​.​ប​. ជា​ផ្លូវការនៅ​ព្រឹក​ថ្ងៃទី​១៩ ខែ​មីនា ឆ្នាំ​២០១៣ នៅ​វិមាន​សន្តិភាព សម្តេច​នាយក​រដ្ឋមន្ត្រី ហ៊ុន សែន បាន​មានប្រសាសន៍ថា សំណុំរឿង​ក្តី​នៅ​បឹងកក់​នោះ មាន​ភាពអយុត្តិធម៌​ដល់​រាជរដ្ឋាភិបាល​។ ករណី​ស្ត្រី​នៅ​បឹង​កក់​នោះ ជា​រឿង​វាយ​គេ​សោះ បែរជា​ត្រូវ​គេ​ប្រែក្លាយ​ជា​រឿង​ជម្លោះ​ដីធ្លី​ទៅ​វិញ​។​


​សូម​រម្លឹកថា ករណី​ស្ត្រី​បឹងកក់ អ្នកស្រី យ៉ោម បុប្ផា ត្រូវបាន​តុលាការ​សាលាដំបូង​រាជធានី ​ភ្នំពេញ សម្រេច​ផ្តន្ទាទោស កាលពី​ព្រឹក​ថ្ងៃទី​២៧ ខែ​ធ្នូ ឆ្នាំ​២០១២ ដាក់​ពន្ធនាគារ ៣ ឆ្នាំ​។ អ្នកស្រី យ៉ោម បុប្ផា ជាប់ចោទ​ពី​បទ​ប្រើ​អំពើហិង្សាដោយ​ចេតនា តាមរយៈ​ការចូលរួម​ព្រួត​គ្នាវាយ​លើ​បុរស​អ្នករត់ម៉ូតូឌុប​ពីរ​នាក់ឲ្យ​រងរបួស កាលពី​ដើម​ខែ​កញ្ញា​។ ​ក៏ប៉ុន្តែ​សំណុំរឿង​ក្តី​នោះ ត្រូវបាន​អង្គការ​សិទ្ធិ​មនុស្ស​ជាតិ និង​អន្តរជាតិ រួមទាំង​ស្ត្រី​អ្នក​ភូមិ​បឹងកក់ បាន​ច្រានចោល ហើយ​ថាអាជ្ញាធរបាន​ចោទប្រកាន់ និង​ចាប់​កាត់ទោស​លើ​អ្នកស្រី យ៉ោម បុប្ផា ដោយសារ​តែ​អ្នកស្រីជា​សកម្មជន​តវ៉ា​ដីធ្លី​ដ៏​សកម្មនៅ​តំបន់​បឹងកក់​។​
​យ៉ាងណាក៏ដោយ ក្នុង​សំណុំរឿង​អ្នកស្រី យ៉ោម បុប្ផា នៅ​បឹង​កក់ ក៏​ត្រូវបាន​ក្រុម​អ្នករត់​ម៉ូតូឌុប បាន​ធ្វើ​បាតុកម្ម​ប្រឆាំង​នឹង​ការអះអាង​របស់​ក្រុម​អ្នក​ភូមិ​បឹងកក់ ហើយ​ថា ករណី​ស្ត្រី​បឹងកក់ អ្នកស្រី យ៉ោម បុប្ផា ជា​រឿងក្តី​បង្ក​របួសស្នាមលើ​អ្នករត់ម៉ូតូឌុប មិន​ត្រូវ​គេ​យក​ទៅ​ពាក់ព័ន្ធ​នឹង​ករណី​ជម្លោះ​ដីធ្លី​នៅ​បឹងកក់​ឡើយ​៕

0 comments:

Post a Comment

 
Design by Free WordPress Themes | Bloggerized by Lasantha - Premium Blogger Themes | Lady Gaga, Salman Khan