10:02 PM
specialshowtoday
 តាម
ការសិក្សាស្រាវជ្រាវ១របស់ក្រុមហ៊ុនផលិតរបស់របរប្រើប្រាស់ក្នុង
គ្រួសារ Playtex ត្រូវបានដំណើរការចំពោះស្ត្រីអង់គ្លេស ១.៥០០នាក់
អាយុពី២០ ដល់៦០ឆ្នាំ បានរកឃើញថា ស្ត្រីអាយុលើស៥០ឆ្នាំ
មានអារម្មណ៍សុភមង្គលរស់រវើក និងចូលចិត្តផ្សងគ្រោះថ្នាក់
ជាងប្រៀបនឹងពេលនៅក្មេង ។ជិត១/២នៃស្ត្រីត្រូវបានសួរ ក្នុងការស្រាវជ្រាវឲ្យដឹងថា ពួកគេមានអារម្មណ៍ពេញចិត្តចំពោះជីវិត ពីពេលឈានចូលវ័យ៥០ ។ ជីវិតផ្លូវភេទ និងទំនាក់ទំនងទាំងឡាយរបស់គេក៏ប្រែជាល្អប្រសើរជាងនៅវ័យនេះ ។ ការសិក្សាស្រាវជ្រាវក៏រកឃើញថា ១/៥នៃស្ត្រីអាយុលើស៥០ឆ្នាំ មាន "សិច" តិចបំផុតម្តងក្នុង១សប្តាហ៍ ប្រហាក់ប្រហែលនឹងស្ត្រីក្នុងវ័យ២០ឆ្នាំ ។ ក្នុងពេលនោះ ២៧% នៃស្ត្រីអាយុលើស៥០ឆ្នាំសារភាពថា គេកំពុងមានអារម្មណ៍ពេញចិត្តជាមួយ "សិច" ជាងពេលណាៗទាំងអស់ ។ ទំនាក់ទំនងជាមួយគូជីវិត ក៏ប្រែជាល្អប្រសើរជាងពេលស្ត្រីឈានចូលវ័យ៥០ជាមួយនឹង៤៧% ក្នុងវ័យនេះ ឲ្យដឹងថា ទំនាក់ទំនងរបស់ពួកគេកំពុងជ្រាលជ្រៅ និងកក់ក្តៅ ដោយសារពួកគេលៃទុកពេលវេលាច្រើនជាង ដើម្បីជជែក និងថែទាំគូជីវិត ចាប់ពីក្រោយអាយុ៥០ឆ្នាំ ។ ក៏ដូចជាស្ត្រី ក្មេងៗដែរ ៥០% នៃស្ត្រីអាយុលើស៥០ឆ្នាំ ឲ្យដឹងថា គេនៅតែជ្រើសរើសខោអាវទ្រនាប់សិចស៊ី និងល្មមជាមួយទំហំសុដន់របស់គេ ។ នេះត្រូវបានចាត់ទុកជាកត្តាមួយក្នុងចំណោមកត្តាជួយស្ត្រីមជ្ឈិមវ័យ ទាក់ទាញជាង ក្នុងក្រសែភ្នែកគូស្នេហ៍ ។ ស្ត្រីអាយុលើស៥០ឆ្នាំ ហាក់ដូចជារស់រវើក និងសកម្មជាងស្ត្រីក្មេងៗពេលមានដល់៤២% នៃស្ត្រីអាយុលើស៥០ឆ្នាំ ត្រូវបានសួរឲ្យដឹងថា គេបានចាប់ផ្តើមហាត់ Zumba ក្នុងឆ្នាំមុន ។ ស្ត្រីទាំងនេះក៏ចូលចិត្តផ្សងគ្រោះថ្នាក់ជាងជាមួយនឹង២៣% ឲ្យដឹងថា គេសង្ឃឹមនឹងហាត់វិញ្ញាសារកីឡាថ្មីមួយក្នុងឆ្នាំ២០១៣ ។ " គ្រប់គ្នាតែងគិតថា ជីវិតរបស់ស្ត្រីនឹងអស់ពេញចិត្ត ពេលគេឈានចូលវ័យ៥០ឆ្នាំ ។ តែជាស្ត្រីអាយុ៥០ឆ្នាំម្នាក់ ខ្ញុំមានអារម្មណ៍ជឿជាក់លើខ្លួនឯង និងពេញចិត្តអំពីជីវិតរបស់ខ្លួនជាងពេលណាៗទាំងអស់ ។ ខ្ញុំសប្បាយចិត្តណាស់អំពីលទ្ធផលស្រាវជ្រាវព្រោះវានឹងជួយ ផ្លាស់ប្តូរទស្សនៈមុននេះអំពីស្ត្រីនៅវ័យមជ្ឈិមវ័យ" Linda Barker ស្ត្រីអ្នកយកព័ត៌មានទូរទស្សន៍ល្បីឈ្មោះ នៅអង់គ្លេសឲ្យដឹង។ |
Posted in: ការយល់ដឹងពីស៊ិច និងស្នេហា
0 comments:
Post a Comment