ថ្ងៃ ព្រហស្បត្ត៏ ទី ២៨ ខែ មីនា ឆ្នាំ ២០១៣ ម៉ោង ១៧:០០
តម្លៃស្បៀងអាហារនៅលើពិភពលោកបានធ្លាក់ចុះក្នុងពេល ប៉ុន្មានខែថ្មីៗនេះ ខណៈដែលតម្រូវការគ្រាប់ធញ្ញជាតិខ្សត់ខ្សោយ ហើយការផ្គត់ផ្គង់កើនឡើងជំរុញឱ្យតម្លៃធ្លាក់ចុះយ៉ាងដូច្នេះ នេះបើយោងតាមធនាគារពិភពលោក (WB) ។ ធនាគារនេះបានព្រមានថា តម្លៃស្បៀងអាហារគឺនៅតែកៀកនឹងឡើងខ្ពស់បំផុត ហើយប្រែប្រួលចុះឡើងៗ ។
សន្ទស្សន៍វាស់វែងតម្លៃស្បៀងអាហារ របស់ធនាគារពិភពលោកបានបង្ហាញថា តម្លៃស្រូវសាឡីអន្តរជាតិបានធ្លាក់ចុះ១១%, ស្ករធ្លាក់ចុះ១០%, ពោត៦% នៅក្នុងអំឡុងពេល៤ខែចន្លោះពីខែតុលា ឆ្នាំ២០១២ និងខែកុម្ភៈ ឆ្នាំ២០១៣ ។ ស្ថាប័នប្រយុទ្ធប្រឆាំងនឹងភាពក្រីក្របាននិយាយថា តម្រូវការខ្សត់ខ្សោយដោយសារការធ្លាក់ចុះនៅក្នុងការប្រើប្រាស់ ស្រូវសាឡី និងការធ្លាក់ចុះការប្រើប្រាស់ពោតសម្រាប់ធ្វើអេតាណុលនៅអាមេរិក បានរុញច្រានឱ្យតម្លៃស្បៀងអាហារធ្លាក់ចុះ ។ លក្ខខណ្ឌអាកាសធាតុអំណោយផលនៅក្នុងតំបន់មួយចំនួនក៏បានបង្កើនក្តី សង្ឃឹមនៃការផ្គត់ផ្គង់កសិផលកាន់តែល្អប្រសើរសម្រាប់ឆ្នាំ២០១៣ នេះ ។
យ៉ាងណាក៏ដោយ តម្លៃស្បៀងអាហារពិភពលោកនៅតែមានចំនួនត្រឹមតែ៩% ក្រោមតម្លៃដែលឡើងខ្ពស់បំផុតគ្រប់ពេលវេលា កាលពីខែសីហា ឆ្នាំ២០១២ នេះបើយោងតាមធនាគារពិភពលោក ។ មានន័យថា បើទោះបីជាការធ្លាក់ចុះអស់ពេលយ៉ាងយូរក៏ដោយ ក៏តម្លៃស្បៀងអាហារពិភពលោកនៅតែខ្ពស់ដដែល ហើយកៀកនឹងកម្រិតខ្ពស់ជាប្រវត្តិសាស្ត្រ ។
ធនាគារពិភពលោក បានសម្តែងការព្រួយបារម្ភថា ភាពរាំងស្ងួតនៅអាមេរិក និងកង្វះទឹកភ្លៀងនៅអាហ្សង់ទីន អាហ្វ្រិកខាងត្បូង និងអូស្ត្រាលី ធ្វើឱ្យមានភាពមិនប្រាកដប្រជាក្នុងពេលខាងមុខ ។ តម្លៃប្រេងសាកលក៏បានឡើងខ្ពស់៣ខែជាប់ៗគ្នា ដែលនេះក៏អាចប៉ះពាល់ដល់តម្លៃស្បៀងអាហារ ដោយសារតែតម្លៃគមនាគមន៍កើនឡើង ។ប្រេងឆៅ Brent របស់អង់គ្លេសមានតម្លៃ១០៩,៦៩ដុល្លារ ក្នុងមួយបារ៉ែលកាលពីថ្ងៃពុធ។
ធនាគារពិភពលោកក៏បានបន្ថែម ទៀតថា ការធ្លាក់ចុះស្តុកអង្ករដ៏ច្រើនរបស់ថៃ ដែលតាមការប៉ាន់ស្មានមានចំនួន១២លានតោន ស្មើនឹង១/៣នៃអង្ករធ្វើពាណិជ្ជកម្មលើពិភពលោក ទំនងជាអស្ថិរភាពចំពោះទីផ្សារស្បៀងអាហារពិភពលោក ៕
តម្លៃស្បៀងអាហារនៅលើពិភពលោកបានធ្លាក់ចុះក្នុងពេល ប៉ុន្មានខែថ្មីៗនេះ ខណៈដែលតម្រូវការគ្រាប់ធញ្ញជាតិខ្សត់ខ្សោយ ហើយការផ្គត់ផ្គង់កើនឡើងជំរុញឱ្យតម្លៃធ្លាក់ចុះយ៉ាងដូច្នេះ នេះបើយោងតាមធនាគារពិភពលោក (WB) ។ ធនាគារនេះបានព្រមានថា តម្លៃស្បៀងអាហារគឺនៅតែកៀកនឹងឡើងខ្ពស់បំផុត ហើយប្រែប្រួលចុះឡើងៗ ។
សន្ទស្សន៍វាស់វែងតម្លៃស្បៀងអាហារ របស់ធនាគារពិភពលោកបានបង្ហាញថា តម្លៃស្រូវសាឡីអន្តរជាតិបានធ្លាក់ចុះ១១%, ស្ករធ្លាក់ចុះ១០%, ពោត៦% នៅក្នុងអំឡុងពេល៤ខែចន្លោះពីខែតុលា ឆ្នាំ២០១២ និងខែកុម្ភៈ ឆ្នាំ២០១៣ ។ ស្ថាប័នប្រយុទ្ធប្រឆាំងនឹងភាពក្រីក្របាននិយាយថា តម្រូវការខ្សត់ខ្សោយដោយសារការធ្លាក់ចុះនៅក្នុងការប្រើប្រាស់ ស្រូវសាឡី និងការធ្លាក់ចុះការប្រើប្រាស់ពោតសម្រាប់ធ្វើអេតាណុលនៅអាមេរិក បានរុញច្រានឱ្យតម្លៃស្បៀងអាហារធ្លាក់ចុះ ។ លក្ខខណ្ឌអាកាសធាតុអំណោយផលនៅក្នុងតំបន់មួយចំនួនក៏បានបង្កើនក្តី សង្ឃឹមនៃការផ្គត់ផ្គង់កសិផលកាន់តែល្អប្រសើរសម្រាប់ឆ្នាំ២០១៣ នេះ ។
យ៉ាងណាក៏ដោយ តម្លៃស្បៀងអាហារពិភពលោកនៅតែមានចំនួនត្រឹមតែ៩% ក្រោមតម្លៃដែលឡើងខ្ពស់បំផុតគ្រប់ពេលវេលា កាលពីខែសីហា ឆ្នាំ២០១២ នេះបើយោងតាមធនាគារពិភពលោក ។ មានន័យថា បើទោះបីជាការធ្លាក់ចុះអស់ពេលយ៉ាងយូរក៏ដោយ ក៏តម្លៃស្បៀងអាហារពិភពលោកនៅតែខ្ពស់ដដែល ហើយកៀកនឹងកម្រិតខ្ពស់ជាប្រវត្តិសាស្ត្រ ។
ធនាគារពិភពលោក បានសម្តែងការព្រួយបារម្ភថា ភាពរាំងស្ងួតនៅអាមេរិក និងកង្វះទឹកភ្លៀងនៅអាហ្សង់ទីន អាហ្វ្រិកខាងត្បូង និងអូស្ត្រាលី ធ្វើឱ្យមានភាពមិនប្រាកដប្រជាក្នុងពេលខាងមុខ ។ តម្លៃប្រេងសាកលក៏បានឡើងខ្ពស់៣ខែជាប់ៗគ្នា ដែលនេះក៏អាចប៉ះពាល់ដល់តម្លៃស្បៀងអាហារ ដោយសារតែតម្លៃគមនាគមន៍កើនឡើង ។ប្រេងឆៅ Brent របស់អង់គ្លេសមានតម្លៃ១០៩,៦៩ដុល្លារ ក្នុងមួយបារ៉ែលកាលពីថ្ងៃពុធ។
ធនាគារពិភពលោកក៏បានបន្ថែម ទៀតថា ការធ្លាក់ចុះស្តុកអង្ករដ៏ច្រើនរបស់ថៃ ដែលតាមការប៉ាន់ស្មានមានចំនួន១២លានតោន ស្មើនឹង១/៣នៃអង្ករធ្វើពាណិជ្ជកម្មលើពិភពលោក ទំនងជាអស្ថិរភាពចំពោះទីផ្សារស្បៀងអាហារពិភពលោក ៕
0 comments:
Post a Comment