5:05 AM
specialshowtoday
ថ្ងៃ សុក្រ ទី ២៩ ខែ មីនា ឆ្នាំ ២០១៣ ម៉ោង ១៩:0៥
ភ្នំពេញ: លោកឧបនាយករដ្ឋមន្ត្រី ហោ ណាំហុង រដ្ឋមន្ត្រីករសួងការបរទេស នៃព្រះរាជាណាចក្រកម្ពុជា នឹងដឹកនាំគណៈប្រតិភូរបស់រាជរដ្ឋាភិបាលកម្ពុជា អញ្ជើញទៅចូលរួមក្នុងសវនាការរបស់តុលាការយុត្តិធម៌អន្តរជាតិ នាទីក្រុងឡាអេ ICJ ដែលនឹងបើកវសនាការ នាពាក់កណ្តាលខែមេសា ឆ្នាំ២០១៣ ជុំវិញសំណុំរឿងព្រំដែនប្រាសាទព្រះវិហារ។ ក្នុងសំណុំរឿងក្តីនោះ កម្ពុជាអះអាងថា បានត្រៀមខ្លួន និងមានមូលដ្ឋានផ្លូវច្បាប់រឹងមាំ សម្រាប់លើកបង្ហាញតុលាការ។
លោក ឡុង វិសាលោ រដ្ឋលេខាធិការក្រសួងការបរទេស បានមានប្រសាសន៍ប្រាប់ក្រុម អ្នកកាសែត កាលពីព្រឹកថ្ងៃទី២៩ ខែមីនា ឆ្នាំ២០១៣ នៅទីស្តីការក្រសួងការបរទេសថា សមាសភាពគណៈប្រតិភូ នៃភាគីរាជរដ្ឋាភិបាលកម្ពុជា ដែលត្រៀមទៅចូលរួមធ្វើការបកស្រាយសាលដីកានៅតុលាការទីក្រុងឡអេ នៅពេលខាងមុខ គឺដឹកនាំដោយលោកឧបនាយករដ្ឋមន្ត្រី ហោ ណាំហុង ប្រធានគណៈប្រតិភូ និងលោកទេសរដ្ឋមន្ត្រី វ៉ា គឹមហុង អនុប្រធានគណៈប្រតិភូ និងមានរូបលោក ( ឡុង វិសាលោ ) និងអ្នកជំនាញការ ព្រមទាំងអ្នកច្បាប់ ៣ ទៅ ៤ នាក់ ថែមទៀត ដើម្បីទៅចូលរួមកិច្ចប្រជុំនោះ។
លោក ឡុង វិសាលោ បានមានប្រសាសន៍បន្តថា "ម្យ៉ាង យើងមានមូលដ្ឋានរបស់យើងរឹងមាំ។ ទី២ទៀត យើងខិតខំធ្វើការខ្លាំងណាស់ ដើម្បីយកមូលដ្ឋានរឹងមាំទាំងអស់ យកទៅធ្វើជាទឡ្ហីករណ៍ ដើម្បីតស៊ូប្រយុទ្ធ ក្នុងពេលធ្វើសវនាការផ្ទាល់មាត់"។
សូម រម្លឹកថា ចាប់ពីថ្ងៃទី១៥ រហូតដល់ថ្ងៃទី១៧ ខែមេសា ឆ្នាំ២០១៣ តុលាការយុត្តិធម៌អន្តរជាតិ ទីក្រុងឡាអេ ICJ នឹងបើកសវនាការលើករណីបកស្រាយសាលក្រម ឆ្នាំ១៩៦២ ស្តីពីបញ្ហាប្រាសាទព្រះវិហារ។ ជាសវនាការ ដែលនឹងធ្វើឡើង តាមពាក្យបណ្តឹងរបស់កម្ពុជា។
ពាក្យបណ្តឹងនោះ បានដាក់ទៅកាន់តុលាការអន្តរជាតិ អំឡុងខែឧសភា ឆ្នាំ២០១១ បន្ទាប់ពីភាគីថៃ បានបើកការវាយប្រហារ ជាលក្ខណៈសង្គ្រាមតាមព្រំដែន ពិសេសនៅព្រំដែនប្រាសាទព្រះវិហារ ដែលនាំឲ្យខូចខាតដល់ប្រាសាទបុរាណ ជាសម្បត្តិបេតិកភណ្ឌពិភពលោក ជាបន្តបន្ទាប់ ចាប់តាំងពីថ្ងៃទី១៥ ខែកក្កដា ឆ្នាំ២០០៨ និងនៅចុងក្រោយនាចុងខែមេសា ឆ្នាំ២០១១។
ភ្លាមៗនោះ នៅថ្ងៃទី១៨ ខែកក្កដា ឆ្នាំ២០១១ តុលាការឡាអេ បានចេញនូវវិធានការបន្ទាន់ ឲ្យភាគីកម្ពុជា និងថៃ ដកទ័ព ចេញពីតំបន់គ្មានកងទ័ពបណ្តោះអាសន្ន ទំហំជាង ១៧ គីឡូម៉ែត្រ នៅព្រំដែនប្រាសាទព្រះវិហារ ដើម្បីជៀសវាងការបាញ់ប្រយុទ្ធគ្នា ដែលនាំដល់ការខូចខាតប្រាសាទព្រះវិហារ របស់កម្ពុជា។
រហូតដល់ ថ្ងៃទី១៨ ខែកក្កដា ឆ្នាំ២០១២ ទើបរាជរដ្ឋាភិបាលកម្ពុជា អនុវត្តនូវសាលដីកាដកទ័ព ដែលគេហៅថា ការសម្រួលកងទ័ព ចេញពីតំបន់គ្មានកងទ័ពបណ្តោះអាសន្ន នៅជិតប្រាសាទព្រះវិហារ។
ស្នូរអាវុធ ក៏លែងឮតទៅទៀត ចាប់តាំងពីកម្ពុជា ដាក់ពាក្យបណ្តឹងទៅកាន់តុលាការឡាអេ ស្របពេលដែលប្រទេសថៃ ផ្លាស់ប្តូររាជរដ្ឋាភិបាលថ្មី ដែលដឹកនាំដោយលោកស្រី យ៉ិងឡាក់ ប្អូនស្រីរបស់លោក ថាក់ស៊ីន កាលពីខែសីហា ឆ្នាំ២០១១៕
ភ្នំពេញ: លោកឧបនាយករដ្ឋមន្ត្រី ហោ ណាំហុង រដ្ឋមន្ត្រីករសួងការបរទេស នៃព្រះរាជាណាចក្រកម្ពុជា នឹងដឹកនាំគណៈប្រតិភូរបស់រាជរដ្ឋាភិបាលកម្ពុជា អញ្ជើញទៅចូលរួមក្នុងសវនាការរបស់តុលាការយុត្តិធម៌អន្តរជាតិ នាទីក្រុងឡាអេ ICJ ដែលនឹងបើកវសនាការ នាពាក់កណ្តាលខែមេសា ឆ្នាំ២០១៣ ជុំវិញសំណុំរឿងព្រំដែនប្រាសាទព្រះវិហារ។ ក្នុងសំណុំរឿងក្តីនោះ កម្ពុជាអះអាងថា បានត្រៀមខ្លួន និងមានមូលដ្ឋានផ្លូវច្បាប់រឹងមាំ សម្រាប់លើកបង្ហាញតុលាការ។
លោក ឡុង វិសាលោ រដ្ឋលេខាធិការក្រសួងការបរទេស បានមានប្រសាសន៍ប្រាប់ក្រុម អ្នកកាសែត កាលពីព្រឹកថ្ងៃទី២៩ ខែមីនា ឆ្នាំ២០១៣ នៅទីស្តីការក្រសួងការបរទេសថា សមាសភាពគណៈប្រតិភូ នៃភាគីរាជរដ្ឋាភិបាលកម្ពុជា ដែលត្រៀមទៅចូលរួមធ្វើការបកស្រាយសាលដីកានៅតុលាការទីក្រុងឡអេ នៅពេលខាងមុខ គឺដឹកនាំដោយលោកឧបនាយករដ្ឋមន្ត្រី ហោ ណាំហុង ប្រធានគណៈប្រតិភូ និងលោកទេសរដ្ឋមន្ត្រី វ៉ា គឹមហុង អនុប្រធានគណៈប្រតិភូ និងមានរូបលោក ( ឡុង វិសាលោ ) និងអ្នកជំនាញការ ព្រមទាំងអ្នកច្បាប់ ៣ ទៅ ៤ នាក់ ថែមទៀត ដើម្បីទៅចូលរួមកិច្ចប្រជុំនោះ។
លោក ឡុង វិសាលោ បានមានប្រសាសន៍បន្តថា "ម្យ៉ាង យើងមានមូលដ្ឋានរបស់យើងរឹងមាំ។ ទី២ទៀត យើងខិតខំធ្វើការខ្លាំងណាស់ ដើម្បីយកមូលដ្ឋានរឹងមាំទាំងអស់ យកទៅធ្វើជាទឡ្ហីករណ៍ ដើម្បីតស៊ូប្រយុទ្ធ ក្នុងពេលធ្វើសវនាការផ្ទាល់មាត់"។
សូម រម្លឹកថា ចាប់ពីថ្ងៃទី១៥ រហូតដល់ថ្ងៃទី១៧ ខែមេសា ឆ្នាំ២០១៣ តុលាការយុត្តិធម៌អន្តរជាតិ ទីក្រុងឡាអេ ICJ នឹងបើកសវនាការលើករណីបកស្រាយសាលក្រម ឆ្នាំ១៩៦២ ស្តីពីបញ្ហាប្រាសាទព្រះវិហារ។ ជាសវនាការ ដែលនឹងធ្វើឡើង តាមពាក្យបណ្តឹងរបស់កម្ពុជា។
ពាក្យបណ្តឹងនោះ បានដាក់ទៅកាន់តុលាការអន្តរជាតិ អំឡុងខែឧសភា ឆ្នាំ២០១១ បន្ទាប់ពីភាគីថៃ បានបើកការវាយប្រហារ ជាលក្ខណៈសង្គ្រាមតាមព្រំដែន ពិសេសនៅព្រំដែនប្រាសាទព្រះវិហារ ដែលនាំឲ្យខូចខាតដល់ប្រាសាទបុរាណ ជាសម្បត្តិបេតិកភណ្ឌពិភពលោក ជាបន្តបន្ទាប់ ចាប់តាំងពីថ្ងៃទី១៥ ខែកក្កដា ឆ្នាំ២០០៨ និងនៅចុងក្រោយនាចុងខែមេសា ឆ្នាំ២០១១។
ភ្លាមៗនោះ នៅថ្ងៃទី១៨ ខែកក្កដា ឆ្នាំ២០១១ តុលាការឡាអេ បានចេញនូវវិធានការបន្ទាន់ ឲ្យភាគីកម្ពុជា និងថៃ ដកទ័ព ចេញពីតំបន់គ្មានកងទ័ពបណ្តោះអាសន្ន ទំហំជាង ១៧ គីឡូម៉ែត្រ នៅព្រំដែនប្រាសាទព្រះវិហារ ដើម្បីជៀសវាងការបាញ់ប្រយុទ្ធគ្នា ដែលនាំដល់ការខូចខាតប្រាសាទព្រះវិហារ របស់កម្ពុជា។
រហូតដល់ ថ្ងៃទី១៨ ខែកក្កដា ឆ្នាំ២០១២ ទើបរាជរដ្ឋាភិបាលកម្ពុជា អនុវត្តនូវសាលដីកាដកទ័ព ដែលគេហៅថា ការសម្រួលកងទ័ព ចេញពីតំបន់គ្មានកងទ័ពបណ្តោះអាសន្ន នៅជិតប្រាសាទព្រះវិហារ។
ស្នូរអាវុធ ក៏លែងឮតទៅទៀត ចាប់តាំងពីកម្ពុជា ដាក់ពាក្យបណ្តឹងទៅកាន់តុលាការឡាអេ ស្របពេលដែលប្រទេសថៃ ផ្លាស់ប្តូររាជរដ្ឋាភិបាលថ្មី ដែលដឹកនាំដោយលោកស្រី យ៉ិងឡាក់ ប្អូនស្រីរបស់លោក ថាក់ស៊ីន កាលពីខែសីហា ឆ្នាំ២០១១៕
Posted in: khmer news
0 comments:
Post a Comment