ប្រតិកម្មរបស់នាង ឆ័យលី ដាឡែន នាពេលនេះ គឺក្រោយពីនាងទើបវិលត្រឡប់មកពីខេត្ត ព្រះវិហារវិញ និងបន្ទាប់ពីព័ត៌មានស្តីពីបញ្ហាខាងលើ ត្រូវបានចុះផ្សាយកាលពីពេលថ្មីៗនេះ ដោយសារព័ត៌មានក្នុងស្រុកមួយ។ ដូច្នេះហើយ នាងបានបដិសេធយ៉ាងដាច់អហង្ការចំពោះព័ត៌មាននោះ។
ឆ័យលី ដាឡែន នាងទទួលស្គាល់ថា នាងបានបាត់បង់ឱកាសឡើងប៉ុស្តិ៍ទូរទស្សន៍ក៏ពិតមែនតែនាងមិនដល់ ថ្នាក់ អស់ឱកាសដល់ថ្នាក់បោះបង់អាជីពសិល្បៈនោះទេ។ម្យ៉ាងរឿងព័ត៌មានដែល ថានាងមានគម្រោងរៀបការជាមួយបុរសសម្បូរទ្រព្យម្នាក់នោះ គឺរឹតតែគ្មានថែមទៀត។
ដាឡែន លើកឡើងថា “ព័ត៌មានថាខ្ញុំជិតរៀបការជាមួយបុរសសម្បូរទ្រព្យនោះ គួរឲ្យអស់សំណើចណាស់ តើអ្នកមានទ្រព្យស្តុកណាម្នាក់ដែលខ្ញុំស្គាល់? តើខ្ញុំជិតរៀបការយ៉ាងម៉េច បើខ្ញុំអត់មានស្គាល់មុខបុរសមានទ្រព្យនោះផង?។ អ្នកកាសែតខ្លះចុះផ្សាយព័ត៌មានពីខ្ញុំមិនដែលសម្ភាសន៍ខ្ញុំទេដោយ សរសេរអះអាងថាទូរស័ព្ទទៅខ្ញុំមិនចូល!។”
ឆ័យលី ដាឡែន បន្ថែមថា ប្រសិនបើនាងជិតរៀបការ និងបានដើរចែកធៀបការហើយ ចាំសរសេរចុះផ្សាយនោះ គឺនាងអត់ខឹងទេ។ ម្យ៉ាងដល់ពេលនោះ ប្រសិនបើនាងចង់លាក់ ក៏លាក់មិនជិតដែរ តែពេលនេះ នាងអត់មានរឿងបែបនោះទេ និងរឹតតែគួរឲ្យហួសចិត្តទៀតនោះ គឺនាងដឹងខ្លួនទាល់តែសោះតែម្តង។
មួយរយៈកន្លងមកតារាចម្រៀងសម្បូរសាច់ដើមទ្រូងនាង ឆ័យលី ដាឡែន ហាក់រយាលខ្លាំងពីការងារសិល្បៈក្នុងស្រុក បន្ទាប់ពីបានធ្វើឲ្យថ្លោះធ្លោយក្នុងការស្លៀកពាក់សិចស៊ីកាលនាង ទៅច្រៀងរាំរកប្រាក់នៅលើទឹកដីអាមេរិក រហូតមានសារព័ត៌មានខ្លះបានចុះផ្សាយថា នាងទំនងចប់អាជីពកាន់ក្បាលមេក្រូនេះនៅក្នុងស្រុកហើយ។
បញ្ហានេះ ដូចនាងប្រាប់ពីខាងលើ ឆ័យលី ដាឡែន បានទទួលស្គាល់ថា ពេលនេះនាងមិនសូវសកម្មភាពសិល្បៈក្នុងស្រុកមែន ប៉ុន្តែនៅក្រុងស្រុក គឺនាងរវល់ខ្លាំង។ ជាក់ស្តែង ថ្មីៗនេះ ក៏មានខាង Sponsor នៅបរទេសចំនួន៣ គឺបារាំងកាណាដា និងអូស្ត្រាលីទាក់ទង មកនាងដែរ ប៉ុន្តែមិនទាន់សម្រេចចិត្ត។ ម្យ៉ាងនៅរង់ចាំឯកសារផ្សេងៗមួយចំនួនផង។
ឆ័យលី ដាឡែន បញ្ជាក់ថាប្រសិនបើអ្វីៗរលូនទៅដូចការគ្រោងទុកនាងអាចចេញដំណើរមុនឬក្រោយចូលឆ្នាំខ្មែរយើងនេះហើយ៕
រូបភាព៖ផ្តល់ដោយ ឆ័យលី ដាឡែន
អត្ថបទ៖ សុខម៉េងកែសម្រួល៖ ទារិកា
0 comments:
Post a Comment