Freedom of news in the world ,wanted to show the problem in the societies

ជនជាតិខ្មែរកើតនៅលើដីខ្មែរ ត្រូវចេះខំថែជាតិឲ្យបានរុងរឿង កេរ្តិ៍ឈ្មោះជាតិ យើងបានថ្កុំថ្កើង លុះត្រាតែយើងចេះថែរក្សា។ ទោះបីខ្មែររស់នៅប្រទេសណា ចូរកុំភ្លេចថាខ្លួនកើតមកជាខ្មែរ កុំឲ្យបរទេស គេមកបង្វែរ ឲ្យខ្មែរនិងខ្មែរ បែកសាមគ្គីគ្នា ថ្វីបើគេហ៊ានចំណាយ ប្រាក់កាសចាយហូរហៀរយ៉ាងណា ចូរកុំភ្លេច កេរ្តិ៍ឈ្មោះខេមរា រុងរឿងថ្លៃថ្លា តាំងពីបុរាណ ព្រលឹងជាតិនៅគង់វង្សបានយូរ ទាល់តែយើង ស៊ូរួបរួមគ្នាគ្រប់ប្រាណ កសាងជាតិដោយក្តីក្លាហាន នោះជាតិយើងបានស្គាល់ក្តីរុងរឿង។

ខ្មែរស្រឡាញ់ខ្មែរចេះជួយខ្មែរនោះប្រទេសរបស់យើងអាចរីកចំរើនបាន

Thursday, June 27, 2013

រដ្ឋាភិបាល​រិះគន់​ការស្នើ​របស់​ព្រឹទ្ធសភា​អាមេរិកឲ្យ​ពិចារណាប​ញ្ឈប់​ផ្តល់​ជំនួយ​មក​កម្ពុជា​

កំណត់ត្រា​សេចក្តីសម្រេច​របស់​ព្រឹទ្ធសភា​ទាំង​ពីរ​រូប  ស្នើឲ្យ​ទីភ្នាក់ងារ​អភិវឌ្ឍន៍​អន្តរជាតិ​របស់​អាមេរិក​(USAID) គួរតែ​ឈប់​ផ្តល់​ជំនួយ​ដល់​ការបោះឆ្នោត​ថ្នាក់​ជាតិ​នៅ​កម្ពុជា និង​បញ្ឈប់​ដាក់​អ្នក​សង្កេតការណ៍​នៅ​ថ្ងៃ​បោះឆ្នោត ថ្ងៃទី​២៨ ខែ​កក្កដា​ខាង​មុខ​។​
ដោយ ថុល ស្រីលក្ខណ៍ និងដួង​ សុខា ថ្ងៃព្រហស្បតិ៍ ទី27 មិថុនា ឆ្នាំ2013 ម៉ោង18:07 VOD
 
​អ្នកនាំពាក្យ​រដ្ឋាភិបាល​កម្ពុជា លោក ខៀវ កាញារីទ្ធ នៅ​ថ្ងៃ​ព្រហស្បតិ៍​នេះ រិះគន់​ព្រឹទ្ធសភា​អាមេរិក​ពីររូប គឺ​លោក  Graham និង​លោក Rubio ដែល​បាន​ស្នើ​ឲ្យ​ភ្នាក់ងារ​អភិ​វឌ្ឍន៍​អន្តរជាតិ​របស់​អាមេរិក​(USAID) ពិចារណា​​បញ្ឈប់​ផ្តល់ជំនួយ និង​អ្នក​អង្កេត​ការណ៍​សម្រាប់​ការបោះឆ្នោត​ថ្នាក់​ជាតិ​នៅ​កម្ពុជា​។​
​ការរិះគន់​នេះ​ធ្វើឡើង​បន្ទាប់​ពី ព្រឹទ្ធសភា​អាមេរិក​ទាំង​ពីរ​រូប បាន​ផ្ញើ​សេចក្តីសម្រេច​មួយ​ក្នុង​កំណត់ត្រា​សភា​របស់​អាមេរិក ដោយ​អំពាវនាវ​ឲ្យមាន​ការ​រឹតបន្តឹង និង​ការ​កាត់​បន្ថយ​ជំនួយ​មក​កម្ពុជា ដោយសារ​ស្ថានភាព​មិន​ល្អ​ជាច្រើន ដែល​កំពុង​កើតឡើង​នៅ​កម្ពុជា​។​

​អ្នកនាំពាក្យ​រដ្ឋាភិបាល​កម្ពុជា លោក ខៀវ កាញារីទ្ធ ប្រាប់​VOD​នៅ​រសៀល​ថ្ងៃ​ព្រហស្បតិ៍​នេះ​ថា កម្ពុជា​មិន​ខ្វល់​ពី​ការលើកឡើង​នេះ​ទេ ព្រោះនេះ​ជា​ការលើកឡើង​ដោយ​បុគ្គល ហើយ​កម្ពុជា និង​អាមេរិក​នៅ​តែ​មាន​ទំនាក់ទំនង​ល្អ​។ លោក​ថា ការបោះឆ្នោត​នៅ​កម្ពុជា គឺ​ដើម្បី​ពលរដ្ឋ​កម្ពុជា មិនមែន​ដើម្បីឲ្យ​អាមេរិក​សប្បាយចិត្ត​នោះ​ទេ ​៖ "អញ្ចឹង​អាមេរិក​ គាត់​ថា គាត់​​ប្រ​ជា​​ធិបតេយ្យ​​ ប៉ុន្ដែ​ចាំ​ទេ​ប្រ​ជា​ជន​ប៉ាឡេ​ស្ទីន​ បោះ​ឆ្នោត​ បើ​បោះ​ឲ្យ​លោក​ យ៉ាសា​អា​រ៉ាហ្វាត​ គាត់​មិន​ឲ្យ​​ជំនួយទេ​ មិន​ដឹង​ជា​អញ្ចឹង ប្រ​ជា​ធិបតេយ្យ​របស់​គាត់​ មាន​មួយ​ម៉ា​​គី​ឡូ​ មួយ​ម៉ាខាំ​ ចំពោះ​យើង​អត់សំខាន់​ទេ អាមេរិក​ឲ្យ​ឫ​មិន​ឲ្យ​អត់​សំខាន់​ទេ​ សំខាន់​គឺ​យើង​ទាំង​អស់​គ្នា​ជា​ប្រ​ទេស​ទាំង​អស់ គេ​មើល​ឃើញ​តើ​យើង​បោះ​ឆ្នោត​ដោយ​ប្រ​ជា​ធិបតេយ្យ​អត់​ យើង​បោះឆ្នោត​ឲ្យ​អាមេរិក​សប្បាយ​នោះ​គឺ​មិន​ជារឿង​ កម្ពុជា​មិន​មែន​ជា​រណប​របស់​អាមេរិក​ទេ​ណាស់​" ។
​មន្ត្រី​សម្របសម្រួល​បណ្តាញ​រួបរួម​គណនេយ្យភាព​សង្គម​ប្រចាំ​អាស៊ី​ បូព៌ា និង​ប៉ាស៊ីហ្វិក លោក សន ជ័យ មានប្រសាសន៍ថា ការស្នើ​បែបនេះ វា​ជា​ការសោកស្តាយ​សម្រាប់​កម្ពុជា ដោយសារ​កម្ពុជា ត្រូវការ​លទ្ធិប្រជាធិបតេយ្យ និង​កំពុង​ដំណើរការ​នីតិរដ្ឋ​។ លោក​ថា វា​មិន​ទាន់​ដល់ពេល​ដែល​មន្ត្រី​រដ្ឋាភិបាល​កម្ពុជា​លើកឡើងថា​ ជំនួយ​អាមេរិក​មិន​សំខាន់ ៖ "យើង​ចង់​ឃើញ​ការសម្ព័ន្ធ​មិត្ដ​​ជាមួ​យ​ប្រ​ទេ​ស​មហា​អំណាច​ ដែល​គេ​អះអាង​ថា​​ជា​ប្រ​ទេ​សដែល​មាន​លទ្ធិប្រ​ជា​ធិបតេយ្យ​ ហើយ​គេ​ក៏ចង់​ឲ្យ​ប្រទេស​កម្ពុជា​មាន​លទ្ធិ​ប្រ​ជា​ធិបតេយ្យ​ដូច​គេ​ដែរ ចឹង​មាន​តែ​លទ្ធិ​ប្រជា​ធិបតេយ្យ​ទេ ដែល​នាំ​ប្រទេ​ស​ជាតិ នាំ​សេដ្ឋកិច្ច​ជាតិ​ទៅ​រក​ការ​រីក​ចំរើន​" ។
​កំណត់ត្រា​សេចក្តីសម្រេច​របស់​ព្រឹទ្ធសភា​ទាំង​ពីរ​រូប ស្នើឲ្យ​ទីភ្នាក់ងារ​អភិវឌ្ឍន៍​អន្តរជាតិ​របស់​អាមេរិក​(USAID) គួរតែ​ឈប់​ផ្តល់​ជំនួយ​ដល់​ការបោះឆ្នោត​ថ្នាក់​ជាតិ​នៅ​កម្ពុជា និង​បញ្ឈប់​ដាក់​អ្នក​សង្កេតការណ៍​នៅ​ថ្ងៃ​បោះឆ្នោត ថ្ងៃទី​២៨ ខែ​កក្កដា​ខាង​មុខ​។​
​កំណត់ត្រា​នោះ បានលើកឡើង​ពី​ភាព​មិន​ល្អ​ជាច្រើន​ ដែល​បាន​កើតឡើង និង​កំពុង​កើតឡើង​នៅ​កម្ពុជា ដែល​ផ្ទុយ​ពី​គោលការណ៍​នៃ​ការផ្តល់​ជំនួយ​របស់​ USAID និង​ការវិនិយោគ​របស់​អាមេរិក ដោយ​ក្នុង​កំណត់ត្រា​នេះ​ បានលើកឡើង​ពី​របាយការណ៍​ចំនួន​៦ ដូចជា របាយការណ៍​របស់ USAID ចាប់ពី​ឆ្នាំ​១៩៩៣​ ដល់​ឆ្នាំ​២០១១  របា​យ​ការណ៍​របស់​អង្គការ​តម្លាភាព​អន្តរជាតិ ឲ្យដឹងថា កម្ពុជា​ក៏​ស្ថិត​ក្នុង​លំដាប់​ថ្នាក់ ១៥៧ លើ​១៧៤​នៃ​អំពើ​ពុករលួយ ដែល​ទាប​ជាង​ប្រទេស​យេ​ម៉េន និង​របាយ​ការណ៍​​អង្គការ​ឃ្លាំមើល​សិទ្ធិមនុស្ស​អន្តរជាតិ ចេញ​របាយការណ៍ នៅ​ថ្ងៃ​ទី​៣១ ខែ​ឧសភា​ថា លោកនាយក​រដ្ឋមន្ត្រី ហ៊ុន សែន បាន​កាន់​អំណាច​ជាង​១០០០០​ថ្ងៃ​(៣៤​ឆ្នាំ​) តាម​រយៈ​​ហិង្សា​ផ្នែក​នយោបាយ និង​ការគ្រប់គ្រង​អំណាច​យោធា ការប្រើប្រាស់​អំពើពុករលួយ​ជាដើម​៕

0 comments:

Post a Comment

 
Design by Free WordPress Themes | Bloggerized by Lasantha - Premium Blogger Themes | Lady Gaga, Salman Khan