10:06 PM
specialshowtoday
ជនរងគ្រោះ ខ្មែរក្រហម នឹងធ្វើបាតុកម្ម ប្រឆាំង លោកកឹម សុខា នៅថ្ងៃ៩ មិថុនា
VOA Khmer Services | 4 June 2013
ថ្លែងក្នុងសន្និសីទកាសែត, លោកជុំ ម៉ី ដំបូង លោក បានទម្លាក់ ការទទួលខុសត្រូវ ចំពោះ កាំង ហ្កេកអ៊ាវ, ហៅឌុច, អតីតប្រធានមន្ទីរ ស-២១, តែ ក្រោយមក បន្ទាប់ពីសហការី របស់លោក បានខ្សិបប្រាប់ ទើបលោក បានកែតម្រូវពាក្យ ថា, លោកកឹម សុខាវិញ។ភ្នំពេញ — អ្នករស់រានមានជីវិត មួយរូប ពីមន្ទីរឃុំឃាំង គុកទួលស្លែង នៅក្នុង របបកម្ពុជាប្រជាធិបតេយ្យ, គឺ លោកជុំ ម៉ី បានកំណត់ យកថ្ងៃ ទី៩ ខែមិថុនា ខាងមុខនេះ ជាថ្ងៃ ធ្វើមហាបាតុកម្ម ប្រឆាំង នឹងលោកកឹម សុខា អនុប្រធាន គណបក្សសង្គ្រោះជាតិ។ ស្របពេលនេះដែរ, គណៈកម្មការ អចិន្ត្រៃយ៍ របស់ រដ្ឋសភា គ្រោងនឹងដាក់ សេចក្តីព្រាងច្បាប់ ដើម្បី ដាក់ទោសអ្នក ដែលរិះគន់ថា គ្មានរបបខ្មែរក្រហម នៅក្នុងកិច្ចពិភាក្សា ពេញអង្គ នៅថ្ងៃសុក្រ សប្តាហ៍ក្រោយនេះ។
គម្រោងធ្វើបាតុកម្មនេះ នឹងមានមនុស្ស ចូលរួម ប្រមាណ ២ម៉ឺននាក់ ដោយគ្រោង នឹងធ្វើការជួបប្រជុំគ្នា នៅទីលានប្រជាធិបតេយ្យ និង២,០០០ នាក់ ផ្សេងទៀត នឹងជួបប្រជុំគ្នា នៅទីស្នាក់ការ គណបក្សសង្គ្រោះជាតិ, ក៏ប៉ុន្តែ នៅមិនទាន់ដឹងថា អាជ្ញាធរក្រុងភ្នំពេញ និងអនុញ្ញាតច្បាប់ ឱ្យធ្វើមហាបាតុកម្ម អហិង្សានេះ ឬក៏យ៉ាងណា, ដែលជាញឹកញាប់ បដិសេធ ការស្នើសុំធ្វើ មហាបាតុកម្ម ពីអង្គការសង្គមស៊ីវិល និងពីគណបក្សប្រឆាំង។
ថ្លែងប្រាប់ ក្នុងអង្គសន្និសីទកាសែត ដែលរៀបចំឡើង នៅក្នុងបរិវេណ មន្ទីរឃុំឃាំង ស-២១ ឬគុកទួលស្លែង ជាទីកន្លែង ដែលលោកជុំ ម៉ី ធ្លាប់ បានជាប់ឃុំ កាលពីក្នុង របបកម្ពុជាប្រជាធិបតេយ្យ, លោក បានប្រកាស ដោយលាយឡំ នឹងសំឡេងអួលដើម ក ថា, ការធ្វើមហាបាតុកម្មនេះ មិនមែន ដើម្បី បម្រើផលប្រយោជន៍ នយោបាយ ណាមួយទេ។
លោក ជុំ ម៉ី ប្រធាន សមាគមជនរងគ្រោះ ក្នុងរបបកម្ពុជាប្រជាធិបតេយ្យ, ហៅកាត់ ថា «ក្សេមក្សាន្ត», បាននិយាយថា លោក ចង់ប្រាប់ពិភពលោក អំពីការឈឺចាប់ របស់លោក ចំពោះអ្វី ដែលលោកកឹម សុខា និយាយថា បានប៉ះពាល់ ដល់ផ្លូវចិត្ត របស់លោក យ៉ាងខ្លាំង។
«យើង ឈឺចាប់មែនទែន, អាដំបៅវា ចង់ជាទៅហើយ មិនគួរ លោកកឹម សុខា ទៅឆ្កឹស ឱ្យវា កម្រើកឡើងវិញទេ។ អញ្ចឹង ជនរងគ្រោះ ៣ឆ្នាំ ៨ខែ ២០ថ្ងៃ, គាត់ មានការឈឺចាប់ណាស់។»
ថ្លែងក្នុងសន្និសីទកាសែត, លោកជុំ ម៉ី ដំបូង លោក បានទម្លាក់ ការទទួលខុសត្រូវ ចំពោះ កាំង ហ្កេកអ៊ាវ, ហៅឌុច, អតីតប្រធានមន្ទីរ ស-២១, តែ ក្រោយមក បន្ទាប់ពីសហការី របស់លោក បានខ្សិបប្រាប់ ទើបលោក បានកែតម្រូវពាក្យ ថា, លោកកឹម សុខាវិញ។
នៅក្នុងសន្និសីទកាសែត ហាក់បីដូច ជាមិនមាន ការចុះ សម្រុងគ្នា រវាង សមាគមជនរងគ្រោះ ដោយសារតែ មានមន្ត្រីម្នាក់ ដែលអះអាង ថា ជាប្រធាន រដ្ឋបាល បានចោទសំណួរសួរ លោកជុំ ម៉ីថា ការដឹកនាំ ធ្វើមហាបាតុកម្ម ជារឿងបុគ្គល លោកផ្ទាល់ ឬក៏មានការចូលរួម ពីជនរងគ្រោះ ក្នុងដើមបណ្តឹងរដ្ឋប្បវេណី ក្នុងសាលាក្តីខ្មែរក្រហម ចូលរួម។ លោកជុំ ម៉ី គិតបន្តិច, រួចឆ្លើយថា តំណាងជនរងគ្រោះ ទាំងអស់ក្ នុងរបបខ្មែរក្រហម គ្រោងនឹងចូលរួម។
លោកកឹម សុខា អនុប្រធាន គណបក្សសង្គ្រោះជាតិ ដែលបច្ចុប្បន្ននេះ កំពុងមានបេសកម្ម នៅឯបរទេស ត្រូវបានដកស្រង់ សំដី មកថា, លោក បានរិះគន់ គុកទួលស្លែង ឬមន្ទីរ ស-២១ ថាជាគុក «សិប្បនិម្មិត» របស់ ពួកខ្មែរក្រហម ដែល «រៀបចំឡើង ដោយវៀតណាម។»
លោកជុំ ម៉ី បានទុករយៈពេល ចំនួន១០ថ្ងៃ ដើម្បីឱ្ យលោកកឹម សុខា សុំទោស, តែ មកដល់ថ្ងៃអង្គារនេះ រយៈពេល នៃការសុំទោស បានផុតកំណត់។
លោកជុំ ម៉ី បាននិយាយថា លោក លែងត្រូវការ សុំទោសទៀតហើយ, ហើយ វិធានការបន្ទាប់ គឺ ការដឹកនាំ ធ្វើមហាបាតុកម្ម ប្រឆាំង នឹងលោកកឹម សុខា។
លោក យ៉ែម បុញ្ញឫទ្ធិ អ្នកនាំពាក្យ គណបក្សសង្គ្រោះជាតិ និយាយថា ការដឹកនាំ ធ្វើបាតុកម្ម ជាសិទ្ធិ របស់ លោកជុំ ម៉ី។ លោក នៅតែ ថ្លែងការពារថា, សេចក្តីថ្លែងការណ៍ កន្លងមក ត្រូវបាន បកស្រាយ ខុសពីការពិត។
«ល្មមខ្មែរ ហ៊ាននិយាយ ការពិត តាមរយៈ ថ្ងៃ, ខែ, និងទីន្លែង ខុសហ្នឹងបាទ។»
លោក ប៊ូ ម៉េង អនុប្រធាន សមាគមជនរងគ្រោះខ្មែរក្រហម និងជាអតីតអ្ នករស់រានមានជីវិត ពីគុកទួលស្លែង បានចេញ សេចក្តីថ្លែងការណ៍មួយ ដាច់ដោយឡែក ដោយចាត់ទុក ថា ការប្រកាសធ្វើបាតុកម្ម របស់ លោកជុំ ម៉ី ប្រឆាំង នឹងលោកកឹម សុខា, គឺ ធ្វើក្នុងនាមខ្លួនលោក តែ ប៉ុណ្ណោះ, មិនមែន តាងនាម សមាគមក្សេមក្សាន្តឡើយ។
លោក ប៊ូ ម៉េង បានប្រកាសថា លោក នៅប្រកាន់ ជំហរអព្យាក្រិត, មិនចូលរួម បាតុកម្ម នោះទេ។ លោក បញ្ជាក់ថា សមាគម មានគោលការណ៍ ផ្សះផ្សាជាតិ, មិនមានគោលការណ៍ បំបែកបំបាក់ជាតិ នោះទេ៕
Posted in: khmer news
0 comments:
Post a Comment