9:44 PM
specialshowtoday
ថ្ងៃ
នេះ ជាថ្ងៃគម្រប់៧ថ្ងៃនៃអ្នកស្លាប់ដោយគ្រោះថ្នាក់ចរាចរណ៍មួយ
នៅលើកំណាត់ផ្លូវជាតិលេខ៤ ស្ថិតក្នុងភូមិចំណោទរាម ឃុំបិតត្រាំង
ខណ្ឌព្រៃនប់ ក្រុងព្រះសីហនុ កាលពីថ្ងៃទី៧ ខែមីនា កន្លងទៅ
ដោយបានសម្លាប់មនុស្សរហូតដល់ទៅ៧នាក់
ក្នុងនោះត្រូវបានគេដឹងថា ក្រុមរាំរបស់តារាចម្រៀងលោក ខេមរៈ
សិរីមន្ត ចំនួន៣នាក់ក៏បានស្លាប់ក្នុងហេតុការណ៍នេះផងដែរ។
លោក
អ៊ាច វណ្ណា កូនរបស់អ្នកស្រី ណយ សំណាង និងត្រូវជាប្អូនប្រុសលោក
អ៊ាច វណ្ណៈ ដែលបានស្លាប់ក្នុងហេតុការណ៍នោះ បានឲ្យដឹងថា
លោកមិនហ៊ានសន្និដ្ឋានថា តារាចម្រៀង លោកខេមរៈ សិរីមន្ត
នឹងអញ្ជើញមករួមពិធីបុណ្យ ឬយ៉ាងនោះទេ។ លោកថា
សំបុត្របុណ្យគម្រប់៧ថ្ងៃរបស់បងប្រុសលោក បានអញ្ជើញលោក
ខេមរៈ សិរីមន្ត និងក្រុមគ្រួសាររបស់លោករួចរាល់អស់ហើយ។
លោក
អ៊ាច វណ្ណា បានឲ្យដឹងបន្ថែមទៀតថា នៅថ្ងៃដែលលោក ខេមរៈ សិរីមន្ត
មកចូលបុណ្យសពរបស់បងប្រុសលោក
បន្ទាប់ពីទទួលមរណភាពបានមួយថ្ងៃនោះ លោកបានអញ្ជើញលោក
សិរីមន្ត សម្រាប់បុណ្យគម្រប់៧ថ្ងៃ នៅពេលនោះតែម្ដង។
កូនប្រុសយាយណាងបញ្ជាក់៖ “បាទ
ម៉ែគាត់អញ្ជើញគាត់ និងគ្រុមគ្រួសារគាត់នៅថ្ងៃនោះហើយ។
អ្នកផ្សេងទៀតក៏អញ្ចឹងដែរ ឲ្យតែមកចូលបុណ្យ
យើងចែកឲ្យគាត់តែម្ដង“។
ចំណែក
ឯលោក ជួង ជីហៅ នាយកុយ វិញបានប្រាប់ដែរថា លោកក៏បានអញ្ជើញ
តារាចម្រៀងលោកខេមរៈ សិរីមន្ត និងក្រុមគ្រួសារ
ឲ្យចូលរួមរូបបុណ្យគម្រប់៧ថ្ងៃសពកូនប្រុសរបស់លោកដែរ។
នាយកុយបានបន្តទៀតថា មិនត្រឹមតែចែកលោកខេមរៈ សិរីមន្តទេ
អ្នកសិល្បៈ មិត្តភ័ក្ដិ
និងសូម្បីតែញាតិមិត្តជិតឆ្ងាយរបស់សពកូនប្រុសលោកជាច្រើន
ផ្សេងទៀត ក៏លោកបានអញ្ជើញដែរ។
នាយកុយបញ្ជាក់៖ “បាទ
ហៅច្រើន ប៉ុន្តែមិនអស់គ្នាទេប្អូន
ព្រោះដូចដឹងស្រាប់ហើយពេលវាខ្លី អ្នកខ្លះផ្ដាំតាមគ្នាទេ។
សិរីមន្ត ក៏ហៅដែរ“។
រី
ឯម្ដាយអ្នករាំអមឆាកលោក សោម សុវណ្ណារិទ្ធ
ដែលបានស្លាប់ក្នុងហេតុការណ៍គ្រោះថ្នាក់ចរាចរណ៍ដដែលនោះ
ក៏បានឲ្យដឹងដែរថា
អ្នកស្រីក៏បានចែកសំបុត្របុណ្យគម្រប់៧ថ្ងៃ
ឲ្យទៅក្រុមគ្រួសារលោក ខេមរៈ សិរីមន្ត ផងដែរ។ “ចាស៎! ហៅប្អូន ប៉ុន្តែមិនដឹងថា គាត់មកឬអត់ទេ“។ នេះជាការបញ្ជាក់បន្ថែមរបស់អ្នកស្រី។ បើ តាមការបញ្ជាក់ពីអាណាព្យាបាលនៃអ្នកដែលស្លាប់ខាងលើ សុទ្ធតែបានអញ្ជើញតារាចម្រៀងលោក ខេមរៈ សិរីមន្ត មកចូលរួមបុណ្យសពរបស់ខ្លួនទាំងអស់។ ប៉ុន្តែទោះជាយ៉ាងណា នៅមិនទាន់ដឹងគម្រោងនៃដំណើររបស់លោកខេមរៈ សិរីមន្ត មកចូលរួមបុណ្យគម្រប់៧ថ្ងៃរបស់សមាជិកក្រុមរាំខ្លួននៅឡើយទេ ខណៈដែលសំបុត្របុណ្យត្រូវបានម្ចាស់បុណ្យអញ្ជើញទៅដល់ក្រុម គ្រួសារលោកខេមរៈ សិរីមន្ត អស់ហើយនោះ។
ចុះអ្នកវិញគិតថា តារាចម្រៀង ខេមរៈ សិរីមន្ត នឹងមកចូលបុណ្យគម្រប់៧ថ្ងៃសមាជិកក្រុមរាំរបស់លោកអត់?
អត្ថបទ៖ ខុត សីហា From sabay
Posted in: khmer news
0 comments:
Post a Comment